SEENAA AKKOO MAANOOYYEE(Tsayineesh Gaanguul) BEEKTUU ?

 

SEENAA AKKOO MAANOOYYEE(Tsayineesh Gaanguul)

 BEEKTUU ?

Bara durii keessa jaartiin Akkoo Manooyyee jedhamtu tokko aangoo/taayitaa /argattee turte. Angoo ishii kanaan waanta ajaa’ibaa raawwachaa/hojjechaa turte. Yeroo  aangoo irra jirtutti akkoon mannoyyee  tarkaanfii asii gaditti ibsaman tartiibaan Uummata ishee irratti fudhatte:

Jalqaba namoota gabaabaa lafarraa fixaa jettee murtii labsite. Akka yaada akkoo mannoyyeetti namoonni gabaaboon qaroodha.  Yeroo adda addaatti yeroo isiin ajaja adda adaa ummatni akka raawwatan barbaaddu, namoonni gaggabaaboon ni mormuun. Dubbiin isaan injifachu hin dandeenye. Kanaaf dubbiin isii akka namoota qaroo kanaan akka jalaa hin fashaleefi. Walumaagalatti nama isii mormu waan hinbarbaanneef murtii kana fudhattee. Battaluma sanatti jaarsi gabaabaan tokko , “ mee waan isinii toluuf qabaa boolla keessatti nadhoksaa nahambisaa jedhee.”  namoota ajaja akkoo mannooyyee hojii irra oolchuutti jiran gaafatte. Isaanis tolee jedhanii jaarsa kana osoo hin ajjeesin hambisan.

Erga namoota na morman ykn yaada kiyya afoo dhabbachuu dandan’an (namoota gaggabaaboo) jettee amantu erga ajjesisiiftee raawwattee booda , ajaja jajjaboo enyuuyeroo sanatti  fala itti argachuu hin dandeenye dabarsuu eegalte.

Ajajni isa duraa:  lafaa fi samii jiddutti mana naaf ijaaraa jettee ajajje. Namoonnis dubbin kun waan isaan rakkiseef fala dhabanii jennaan jarsa gabaabaa na’awwaalaa jedhe san bira dhaqanii furmaata gaafatan. Jaarsichi dubbiin geette itti yaadde fala gabaabaa namoota isa gaafataniitti hime. “Akka jettaniin, nuti mana siif ijaarraa garuu dhoqqee abbatu buufataa ati buufadhu”  jedhanii jedhe. Namootni akkoo mannooyyeetti deebi’anii deebi’anii  akkumma jaarsi gabaabaan jedhe jedhanii itti himanii jennaan namni gabaabaan hafee jira jette.

Ajajinni isa lammaffaa: mana ani keessa galu kana osoo asii hin sochoosin balbala isaa kana gara gaaraatti laalchisaa naa baasaa jette, isaanis akkuma duraa san jaarsa gabaabaa  bira deemanii furmaata gaafatan.  Jaarsi akkana jedheen  deebiseef  “yoo ishiin rafte balbala mana ishii kan duraa cufaattii kan biraa gara gaaraa laalchisaa banaafii jedhe.

Kana booda hifattee jennaan akkana jette “waanta fardaa gadii kan harree olii naa fidaa nayaabsisaa” jette ajaja dabarsite. Toleekaa jedhanii harree-diidoo fidaniifi yaabsisanii irraatti hidhanii gad dhiisan,kana booda harreen fuutee halayyaa keessatti  gattee akkoo maannooyyee achitti hambifte jedhama..