Namoonni Akka Si Hubatan Barbaaduu Keetiin Dura Namoota Hubachuudhaaf Yaali ( Seek First to Understand, then to be Understood)

Barreessaan kitaabaa guyyaa tokko osoo konkolaataa Ummataa yaabbatee deemu, abbaaf ilmi konkolaataa sana keessa seenan. Ilmi namticha sanii konkolaataa keessatti akka malee booye. Abbaan mucaa sanii garuu homaa hin dubbanne. Boodarra barreessaan kitaaba kun abbaa mucaa saniitti aaree abboo mucaa kee nurraa cal’isiisi jedheen. Yeroo kana abbaan mucaa barreessaa kanatti siqee, dhiifama naaf godhi, waanan godhu wallaaleeti amma harmeen isaa duutee awwaala irraa deebi’aa jirra jedhee itti hime. Yeroo kana barreessaan akka malee rifachuu isaa dubbata. Al tokko tokko hubatamuudhaaf yaaluun qofti gahaa miti. Namni tokko waan godhu tokko ( badaas tahee gaarii) maalif godha jedhanii hubachuuf yaaluun barbaachisaadha. Namaan waa baad tokko jechuu keenyaan dura nama sana garaa guutudhaan hubachuuf yaaluun baay’ee barbaachisaadha. 

Akka ogeeyyiin haasaa (communication experts) jedhanitti jechoonni ati afaan kee keessaa baafattu haasaa guutuu ati taasistu keessaa %10 qofa fudhatu. Sagaleen kee

30%, haasaan qaamaa ( body language ) keenna %60 fudhata. Kanaaf jecha afaan keenna keessaa baasnu qofa osoo hin ta’in wanti hundi walitti ida’amee dhaamsa nuti

feenu dabarsuu isaa mirkaneeffachuu dandahuu qabna. Haaluma walfakkaatuun namni biroos yoo nutti haasa’u waan afaan isatii bahu qofa osoo hin ta’in waan hunda waliin

xiinxallinee hubachuun barbaachisaadha. Namni tokko osoo Imimmaan ija isaa keessaa dhangala’u har’aa baay’ee gammadeera osoo jedhee hammam dhugaadha? Dhugooma

hin qabu. Kanaafuu akkuma waan onnee keessa jiruufi miira keenna isa haqaa namni akka nu hubatu feenu nama kan birootis akkasitti hubachuun barbaachisaa tahuu isaa

hubachuun murteessaadha; 

Kutaa 4^ffaa Ilaali Kutaa 6^ffaa Ilaali