ACHUMATTI WAL AGARRA

Gaaf tokko ganama namichatu haadha manaasaatiin"har'a aramaa xaafii deemnee waliin aramaa oolla!"jennaan"tole! Garuu amma hojii xiqqoon qaba hojii kana fixeen dhufa,ammasitti itti ba'i!"jetteen. Namichis hin turin."achumatti wal agarra!"jedhee deeme.Otuu balbala warra ollaasaa bira darbuu dubartii qofaashee mana jirtu argee itti ol gale.

Abbaan manaashee eessa akka jiru erga qoratee baree booda akka ishee jaallatu itti himee.Akka waliin ciisanis gaafate amansiifate isheenis tole jetteefi akkuma sireerra ga'aniin abbaan manaa bakkeeti balbala rukute.Isheenis namichaatiin"ariitiidhaan siree jala dhokadhu!"jettee abbaamanaashef balbala banuu deemte.Abbaan manaashes akkuma mana seeneen gabaa deemtee waan tokko tokko bittee akka deebitu ajaje. Akkuma isheen manaa baateen immoo dubartii bakka hojii dhaquuf balbala isaani cinaa darbuu dhuftu tokko argee gad itti ba'ee gototee ol galchate.

Lamaanuus akkuma gara siree ga'aniin,haati manaa waa'ee namicha siree jala dhoksitee baateef waan sardamtuuf, daddaftee bitattewaan halle karaarraa bittee galte. Dhuftees balbala rukunnaan abbaan manaa dubartii isa bira jirtu sanaan"dafii siree jala dhokadhu!"jedhee haadha manaa isaaf balbala banuu deeme.

Isheenis yeroo siree jala seentu abbaan manaashee mormashee qabee"ati maal barbaacha as dhufte?"jennaan isheen immoo abbaa manaashee ta'uu bartee naasuudhaan"ati ganama achumatti wal agarra"naan hin jennee?"jetteen jedhama!