Yeroo lubbuun jirtu

Gaafa lubbuun jirtu gaafa ati fayyaa

Akka itti kuftuuf siif qota hallayyaa

Erga ati duutee hobbaafatte mara

Waan addunyaa xumurtee gaariis tahee yaraa

Siif booya gadoodee buusee imimmaan dharaa!

Innoo sin fayyadu yeroonsaa dur taree

Gaafa itti duultu uummatteetoo garee

Of booda deebi'ee har'an tahu kalee!

Gaafa san bineensa gootee itti duultee

Maqaa isaatirra kosii meeqa tuultee

Akka itti kufuuf qotaa boolla meeqa

Irratti darbachaa daangaa malee qeeqa

Waan wal him fakkaanneen balleesita maqaa

Galmee hayyootaarraa qalama keen haqaa

Arrabsoo barbaada ganda meeqa dhaqaa

Turte gaafas yeroo jirtu kan saa lubbuun

Waliim walit hidhaa maqaa isaa cubbuun

Har'a inni deemee boqochuu saa barraan

Jaalala ummanni isaaf qabu garraan

Eegalte fakkeessuu quuqamaa akka malee

Osoo hin saalfatin wanta jette kalee

Booya sobaa boocha godhattee hamilee