Urgooftuu jaalala kee kottuuttii anatti biifii

Jaalalake dubbachuuf 

An jechan dhabe siifii 

Urgooftuu jaalala kee 

Kottuuttii anatti biifii....! 

Hin fagaatiin anarraa 

Keessi koo si barbaaddii 

Suma bira teesseeyyuu 

Onneen kiyya si yaaddii! 

Jaalala haqaaf qulqulluu 

Baraanuu sin baachisaa

Halkanis ta'u guyyaa 

Waa'ee kee na yaachisaa! 

Abbaan fedhe gungumee 

Abbaan fedhe haa iyyuu 

Naaf jiraadhu gugee koo 

Sin jaalladha yoomiyyuu...!