Sodaan yeroodhan hin kolaafamne taanan humna yaaduu fi waa kalaquu namarraa mulqa.

Sodaan deebii yaada keetiti. Sodaan yeroodhan hin kolaafamne taanan humna yaaduu fi waa kalaquu namarraa mulqa. Inni jabaan sodaachuu dhiisudha,gootummaa. Icitiin sodaa kee injifattuun keessaa tokkoo fi jabaan wanta sodaattu hojjachuudha. 

Maalummaa sodaa tolchii adda baafadhu. Sodaa sumatuu uuma,sammuu kee keessa malee eessayyuu hin jiru. Sammuu kee keessaa dhabamsiisnan eessallee hin jiru jechuudha. Sodaa of keessaa balleesite taanan bakka garaa keetii,bakka abjuu fi Mul'ata keetii ni geessa. Kun immoo jireenya kee keessatti gammachuu fi nageenya guddaa siif kenna.

DHUGAAWWAN WALQUNNAMTII SAALAA { SEX}

 

➥  Dhiirri tokko yeroo ispeermii dhangalaasu seeliwwan buuphaa cabsan miliyoona 300 ol gara qaama dubartii seena, garuu tokko qofatu buuphaa cabsa.

➥  Dhiirri tokko yeroo ispeermii isaa dhangalaasu qixa nyaata isaa guyyaa afurii balleessetti lakka'ama.

➥  Waanuma warri dulloome waa'ee sex hin yaanne sinitti fakkaachuu danda'a, garuu dhugaan jiru akka himutti jaartiwwan addunyaa kanarra jiran sadi keessa tokko guyyaatti waa'ee sex ni yaaddi, ni hawwitis.

➥  Uummata addunyaa kanarra jiru keessaa parsantii 5% qofatu guyyaa guyyaan sex godha; parsantiin 20% guyyaa lama lamaan sex akka godhan ragaan arganne ni mul'isa.

➥ Addunyaa kanarraa biyyi sex yeroo baay'ee godhuun beekkamtu Giriiki( Greece).

➥  Dhiirri kamiyyuu jiddugaleessan yeroo 50 ol abjuudhan yeroo sex raawwatu ni arga.

➥ Dhiironni fufurdaan dhiira qal'aa caala dachaa sadi sex gochuu irra ni turu.

➥ Dhiirota lafarra jiran keessa parsantiin 95% ol masturbation(fedhii ofiin ofbaasuu) ni raawwatu; Dubartoonni immoo parsantiin 75% ol masturbation ni rukutatu.

➥ Biyya Ameerikaatti warri wal fuudhan sireetti aansee konkolaataa isaani keessatti sex raawwatu.

➥  Ummanni Itoophiyaa(anaaf si dabalatee) iddoo 'google search' jedhutti jecha 'sex' jedhu yeroo baay'ee search gochuun biyya isaani addunyaa irraa sadarkaa arfaffaa qabachiisaniiru.

➥  Dhiirri fiilmii sex normal kan ta'e qofa yoo laale  fedhiin isaa ka'uu danda'a; Dubartoonni garuu waanuma fedheen itti dhaabbachuu danda'a, fakkeenyaf yeroo goodatti  sareen walgootu, harreen walkortu fi k.k.f yeroo argan shamarran fedhiin isaanii itti ka'uu danda'a.

➥  Dubartiin kamiyyuu jireenya ishii guutuu dhiira durbummaa ishii galaafate hin irranfattu. Kan nama aja'ibummoo nama biraatti heerumtuyyuu isa durbummaa ishii fudhate gaafa inni ishii waame kan hin dinne ta'uu ishiiti.

Galgala keessa abbaa manaadhaaf bilbilli bilbilama. Abbaan manaatis haadha manaatin "Bor firoonnikoo ni dhufna naan jedhan" jedhee waan bilbilaan dhaga'e itti hima.

Haati manaas akka aaruu wayii taatee " maal hojjechuu dhufu" jetteen. Abbaa manaa: maalan beekaree, garuu dhimma wayii qaabachuu danda'u nagaadhaaf dhufna nan jedhaniiru.

✔️✔️✔️✔️✔️✔️✔️✔️

Haadha manaa:isammoo meeqa ta'anii dhufukaa?

Abbaa manaa : isa hin gaafanne...nidhufna naan jennanan tole jedheen malee.

✔️✔️✔️✔️✔️✔️✔️✔️✔️

Haadha mana: ana maal na dhiberee haa dhufanika..

Abbaa manaa: qophaa'uu qabna. Keessummaan yeroo dhufu cal hin jedhamu.

✔️✔️✔️✔️✔️✔️✔️✔️✔️

Haadha mana: Ani wantan qopheessu tokko hin qabu. Silas waa'ee mana keenyaa isaanu ni beeku.

Abbaa mana: akkasimmaa hin jedhamu wanta bibbitamullee natti himiitii biteen waa qoqopheessinee eegna.

✔️✔️✔️✔️✔️✔️✔️✔️

Haadha manaa: waa tokkoyyu hin barbaachisu wanta jiru mi'effatu.

Abbaa manaa: maaltu jira? 

Haadha manaa: bishaanis yoo ta'e... kan biraa wantin qopheessu hin jiraatu

Abbaa manaa: lakkii dhiisi maaf akkas jetta. Namni fira qaba jedheetu nujaallatee mana keenya dhufa mitii...gaafuma ol lixanirre waan afaan kaa'atan haa qopheessinu.

✔️✔️✔️✔️✔️✔️✔️✔️✔️

Haadha manaa: haa dhufani wanta jiru nan dhiyeessafi. Akka kanatti utuma wal mormanii lafti bari'a. Abbaan manaatis ganamaan ka'ee waa'ee manicha yoo ilaalu oomtu hin jiru. Cireenis hin jiru. Haati manaatis cal cal jettee hirriibashi tumaa jirti. Yeroo kana argu abbaan manaatis mana dhiisee deeme. Battaluma inni manaa ba'een haati fi abbaan haadha manaa firoota ishee kan biroo wajjin baay'atani gara manaa dhufani. Yeroo kana rifattee lafa seentu wallaaltee gara abbaa manaa isheetti bilbilte....

✔️✔️✔️✔️✔️✔️✔️✔️

Haadha manaa: Maaliif firoonnikee nidhufu jettee natti hin himtu turte. Maalan sigodhe abbaa fi haadhako duratti na qaanessita Abbaa manaa: sitti himeen tureem 

Haadha manaa: Firoonnikoo ni dhufu nan jette malee fironnike ni dhufu naan hin jenne.

Abbaa manaa: Eeyyee garuu fironnikee firoota kooti jedhee wantan yaadufan akkas siin jedhe.

Haadha manaa: amma maal gochuun qaba? Bitaa natti galeera.

✔️✔️✔️✔️✔️✔️✔️✔️✔️

Abbaa manaa : keessummeessi kan biraa maal gootaree

Haadha manaa: wanti qophaa'e wantii gaarii tokkolle hin jiruum manni duwwaadha.

Abbaa manaa: maal wayyaree??

Haadha manaa: mana nyaatatiyis ta'u wanta nyaatamu fidii koottu malee..

✔️✔️✔️✔️✔️✔️✔️✔️✔️

Abbaa manaa: ani amma hojiirran jira dhufuu hin danda'u. Ati maaltu sidhibe cal jette wanta mana jiru kenniif. Manichafoohaaraa  miti ni beekuu.

Haadha manaa: wanti tokkoyyuu hin jiruuBishaanillee haa ta'u kenniif jedheen jedhama.

Gaarummaa yaaduu fi hojechuun ofumaafi.Rakkinni akkasii kun mana baay'etti ni

mullata.Obboloonni keenya doogoggora akkasii irraa of eegaa.Mee seenaa kana irratti eenyutu balleesse jettu?

Deebiisaa isiniifan dhiisa.

Yeroo ofiif kennuu Give time for yourself

Dalagaa dhuunfaa haata'uu kamiifuu, dursa of faana yeroo qabaachuun isa hangafaati. Akkuma guddinni biqiltuu tokkoo keessa sanyiisaarraa eegaluun alatti guddaachaa deemu, yaadni kamuu jalqaba marii keessaan yoo eegalame bu'aa qabeessa nama godha. Kunimmoo of faana yeroo qabaachuu, of marii'achuufi qofaatti of baasanii of faana ta'uurraan galma gaha. Yeroo qofaatti of marii'atan kana, hariiroon of faana qaban daran cimaa deema. Ciminni hariiroo kanaammoo, hariiroo alaafuu hundeedha.

Of faana yeroo qabaachuun, hawaasummaa fayyaalessa horachuuf bu'uura! Waanti dagatamuun namarra hinjiraanne, of faana yeroo qabaachuun qofummaa hawaasummaa miidhurraa adda. Shaakalli of faana yeroo qabaachuu bu'uura hawaasummaa ta'uurra darbee hawaasummaa hin faallessu, hin miidhus. Hawaasummaa sirriin keessaa eegala. Nama of faana walii galetu maatiisaa waliin nagaan jiraata. Isuma kanatus hawaasummaa fayyaalessa qabaata. Eeyyeen, namni of faana walii hingalle yoomuu walii hingalu. 

Qofummaan of faanaa, yeroo of abuuruuti! Ciminaafi dadhabbina, bu'aafi kasaaraa ofii yeroon itti herregatan yeroo kana. Yeroo itti sakatta'insi keessaa gaggeeffamudha. Kan gad taa'ee of sakatta'etu of argata. Abuurraa keessoo! Kan of abuuretus waa abuura. Qofummaa of faanaa qabaachuun of haa abuurru.

Qofummaan of faanaa, yeroo karoora jireenyaa itti baafatanidha! Jireenya dhuunfaa  kan namaaf jiraatu hinjiru-abbumasaatu jiraatata. Kanaafuu, of faana ta'anii haalaan karoora itti baafachuun gahee abbaati. Kana gochuun egaa yeroo qofaakee si barbaada. 

Of faana yeroo qabaachuun yookaan qofummaan of faanaa, ofitti amanamummaaf bu'uura! Yeroo baay'ee ofitti amanamummaan shakkii keessa kan galu yeroo of faana walii galledha. Namni walii faana walii hingalle osoo hinmurteessiin bakka itti ofitti amanamummaan isaa qoramu deema. Garuu osoo dursee yeroo dhuunfaa isaa of faana qabaatee, murtee dirree dorgeen dura irratti ta'u ofii murteessee ofitti amanamummaan isaa madaalaa gad hinta'u. Kanaafuu, of faana yeroo qabaachuun hundee ofitti amanamummaati.

👉Gabaabummatti, of faana yeroo qabaachuun kaayyoofi! Qofummaa amaleeffatame irraas adda. Hariiroo keessoo fayyaalessa, hawaasummaa hawwataa, of sakatta'anii of beekuufi ofitti amanamummaa nama gonfachiisa. Of faana yeroo qabaadhu!

Miindaa ofitti amanamummaa dhabuu!

Ofitti amanamummaa dhabuun waan qabatanii jiraan nama harkatti busheessurra darbee gatii hin malleenuu of nama sharafsiisa. Isa kan keettii dugda si gachisiisee kan ormaaf harka si kennisiisa. Harka hin kenniin! Kana yaadatti qabachaama, fakkeenya tokko waliin haa ilaallu. Bara durii.... 

Bara durii namoota sadiitu adamoof manaa bahani. Guyyaa guutuu olii gadi fiigaa turanii homa tokkoyyuu hin arganne. Dadhabbiifi beela hammana hin jedhameen waan hubamaniif fala osooma dhahaa jiranii, namichaa gosaan warra guddaa kan hoolaa salgii isaatti baatee deemu tokko halaalatti argani. Isaan sadan keessaa tokko, "Namicha kana irraa humnaan hoolaa fudhannee qalannee nyaachuu qabna malee hin duunaa?" ittiin jechuun yaada dhiyeesseefii. Yaada kanatti mataa isaa oliifi gadi sochoosuun gammachuun walii galuu isaa ibse inni tokko. Inni hafe immoo, "Hoolaa kana fudhannee akka nyaannu fedha nan qaba, garuu akkamittiin akka irraa fudhannuuf falli jira" jechaa fala sana isaaniif dhiyeesse.  

Akkuma walii galtee isaanii gochuuf ka'ani. Karaa namichi irra darbu irra, fageenya murtaa'aan walirraa fagaatanii dhaabbatani. Inni jalqabaarra dhaabbatu namicha hoolaa baatee deemu sanaan, "Maali namichoo! Ati gosa warra guddaa taatee saree salgiitti baattee deemtaa? Namni biraan si argee osoo nama kolfaa si hin godhiin ofirraa darbi saree kana!" ittiin jedhe. Namichi inni hoolaa baatee deemu sunis, "Namichoo! Hoolaafi saree adda baafatteeyyuu hin beektuu? Maraataa! Kan ani baadhee jiru hoolaa malee saree miti. Ana osoo hin taane situ saree baatee jira" jechuun bira darbee deeme. Hoolaa isaa baatee osooma deemaa jiruu, bakka namicha lammataa gahe. 

Namichi karaarra dhaabbatee jirus hin callisne. Dabaree isaa, "Har'ammoo saree salgiitti baachuutu eegalamee,....safuu! Oollee bullee, waan hedduu arginee dhageenya. Maal taatee jirta namanaa?" yeroo jedhuunii, kan hoolaa baatee jiru sun akka duraa ija jabaatee ifachuu hin dandeenye. Ifachuu dhiisuurra darbee iyyuu nahee jira. Miira sodaa makateen, harka isaan qaqqabachaa hoolaa ofirratti ilaalaa, "Hoolaa mitimoo kanaan baachaa jiru? Hoolaa! Sareen kana hin fakkaattu" jedhee bira darbee deeme. Shakkiin baay'ee humna isa irratti godhatee jira. Hoolaafi saree ta'uu adda baafachuuf ofitti odeessaa deema.  

Isaa akkanaan jirutu nama sadaffaa bira gahe. Kan sadaffaan sunis, "Maaliif maqaa warra kee warra guddaa nyaatta? Saree baattaa? Isayyuu salgiitti! Osoo namni biraan sin argiin lafa buusii badi!" jedheen. Kana dhagahee qilleensa jidduu hin galchine kan inni hoolaa lafa buusee fiigichaa qajeele. Akkanaan hoolaa isaanii fudhataanii galani. Barbaachisummaa waan baatee jiruu dhabuun isaa hoolaa isa dhabsiise. Hoolaa ta'uu isa wallaalchisee salphina sareen salfachiise. Kun miindaa waan qabatee jiru wallaaluu, miindaa ofitti amanamummaa dhabuu isaati.  

Akka hin daganne! Hiree kee sumatu ofiif murteeffata. Eeyyeen sumatu! Gatiin kees madaala keen murtaa'a. Ofitti amanamummaa hir'attee caarrataa ofirratti hin baasiin. Gatii salphaan kan si sharafuuf qophaa'ee jiru hedduu ta'uu mala. Isa manaa baateef duubatti hin deebi'iin. Isa harkatti qabattee jirtus sirriitti beeki. Ofitti amanamummaa dhabdee warqee harka keerra jiru hin darbatiin. Ofitti amanamummaa kee cimsadhu!  

Harka hin kenniin! 

HARKA KEETTI DU'EE

Angafa durbootaa

Mootii bareedinaa

Waardiyyaa onnee koo

Ati naaf ulfina

Bareedina taanaan

Maaltu siin wal gita

Sinboon kee alaalaa

Eenyummaa koo bita

Walgeettin nyaara kee

 Konkonni funyaanii

Qallinni mudhii kee

Addeenyi ilkaanii

Ijji kee gurguddaa

Mudhiin kee kan sonsaa

Ijjannaan koomee kee

Miira kan koo onsaa

Faaya kennaa addaan

 Uumaan tolchee uume

Otoon akka shaamaa

Sumaaf baqee dhume

Otoo siif eegduu tahee

Si na eegsisanii

Otoo cinaa kan kee

Ana teessisani

Otoon carroometoo

Duukaa kan kee buhe

Harka keetti qorree

Harka keetti du'e

Waanuma irra deddeebitu taatee argamta

Fixaan ba'insi jijjiirama ta'ii tokkeen mul'atu osoo hintaane, walitti idaa'ama amaleeffannaa guyyaa guyyaati. Galmi bu'aa waan argachuu barbaaddeeti; tooftaan garuu, adeemsa gara bu'aa sanatti geessudha. Bu'aa har'aa irra daandii imalaa gara bu'aa sanatti geessutti xiyyeeffachuu wayya. 

Akkuma ulfaatinnikee amaleeffaannoo nyaataa ati qabdu mul'isu, beekumsikee idaa'ama hammam barachuukee agarsiisu, haala mataaf miilla hinqabne keessa jiraachuunkee waa'ee amaleeffannaa qulqullinakee waa himu, bu'aankee yeroo tokkoo walitti qabaa amalootakee guyyaa guyyaa madaallii yeroo sanaan duraati.  Waanuma irra deddeebitu taatee argamta. Amalli gaariin yeroo gargaaraakee godha. Amalli badaan garuu yeroo diina sitti taasisa.

#Amallikee har'aa eenyummaakee boruuti waan ta'eef, bu'aan waan taatee argamtuu tolee akka argamuuf deemsakee guyyaa guyyaa sirreessi.

SHANAN DHANGAALEE SAMMUU IJAARAN

1. Yaadota gaggaarii maddisiisuu❤️

2. Rakkina keessatti gaarummaa yaaduu( optimism)

3. Yaadotakee hojiitti hiikuuf yaaluu

4. Baay’ee Dubbisuu

5. Abdiidhaan jiraachuu

Gurbaa nan nyaadhaatti nyaatame

Konkolaataa keessattidha. Gurbaa duubarra taa'eeru tokkotu ture. Jalqaba erga konkolaataa seenee kaasee ijjisaa mucayyoo tokkorraa hin sochoone. Isheema ilaala! Bareedinni mucayyoo kanaas akkanni ilaalee dhiisu qofaaf isa hin dandeessifne. Kanarraa kan ka'e, of harka galfachuuf fala faluu eegale. Mucayyoon 'T-shirt' bobboca konkolaataafi mobaayila gatii jabaa ofirraa qabu godhattee jirti. Kanarraa ka'uun, fedhashee tilmaamuu eegale. Konkolaataafi meeshaalee gatii jabeeyyii biroon achirraa, wantota isheen qabaachuu hawwitu akka ta'e hubachuun isa hin rakkifne. Namni waanuma jaalatuufi hawwu qabatee deema mitiiree? Kanaafi!

Edda fedhashee tilmaammatee booda, tooftaa tokko falate. Sagalee alaarmii akka sagalee waamicha bilbilaatti dhimma bahuuf jira. Ariitiin alaarmii guuttate. Yeroo alaarmiin iyyitus maal akka jedhu qopheeffateera. Alaarmiinis iyyite. "Heloo! Akkam barfatte? Ana hogganaakeeti! Mobaayila kankoo iPhone chaarjii irratti dhiisee waanan baheefan kan namaan siif bilbilaan jira. Konkolaataakoo isa 'Pickup' dhiqii na eegi. 'Vitz'nkoo kaleessa dhiqame, isa dhiisi. Aariifadhu!" jedhee bilbila giiphiitti deebifate.

Akkumanni akkana jedheen mucayyoon gara isaatti deemuu eegalte. "Kan ani barbaadutu kana,....akkas malee! Kunoo, of harkan galfadhe,....kankoon ishee godhadhe" jechaa jira, keessa isaatti. Akkuma bira geesseen miilla isaa jalatti gadi jette. Gadi jettees ol jette. Isatti bitaa galaa jira. Dhumarratti, dhagaa mobaayilaa lafaa fuutee itti kennite. Edaa   yeroo alaarmiin iyyu sana, ariitiin yeroo giiphii keessaa baasu dhagaan mobaayilaa keessaa bu'ee jira. Inni kana hin beekne. Isheen garuu argitee jirti. Dubbiin inni jechaa tures soba akka ta'e yerooma dhagaan lafa bu'ee kaastee hubattee jirti. Akkanaan dhagaa mobaayilaa itti kennitee itti kolfaa bakka isheetti deebite. Gurbaan nan nyaadhaatti nyaatamee taa'e, nama kolfas ta'e!

Fayyaa ONNEE keenyaa eeguuf maal gochuu qabna?

1.DHIIBBAA DHIIGAA(BP): 

Yoo dhiibbaan dhiigaa nama tokkoo normal ta'eefi waggaa 40 gadi ta'e; akkasumas, maatiisaa keessaa namni dhiibbaa dhiigaa olaanaa qabu yoo hin jiraanne, waggaa 2tti yoo xiqqaate altokko dhiibbaa dhiigaasaa ilaalamuu qaba.

Garuu, yoo waggaa 40 ol ta'eefi ofiis ta'e maatiisaa keessaa namni dhiibbaa dhiigaa olaanaa qabu yoo jiraate, gorsa ogeessa fayyaa argachuun barbaachisaadha.

2.QORANNOO DHIIGAA(BLOOD TESTS):

Hamma cholestrol qaama keenya keessa jiru beekuuf nu gargaara. Yoo kan olka'e ta'e, dhukkuboota kan akka onneef carraan saaxilamuu bal'aadha.

3.ELECTROCARDIOGRAM(ECG):

ECG'n qorannaa medikaalaa kan rakkoo (abnormality) onnee keenyaa; sochii elektrikii yeroo onneen keenya kottonfatu maddisiisu safaruun kan nutti argisiisudha.

4.ULFAATINA QAAMAA(OBESITY TESTS):

Ulfaatinni qaamaa baay'ee olka'aa ta'e, dhukkuboota onneef akkasumas, dhukkuba sukkaaraaf carraa saaxilamuu ni bal'isu. 

Kanaaf, namni carraa saaxilamuusaa olka'aa ta'e tokko, yeroo hedduu ulfaatina qaamasaa ilaamuutu irra jiraata. 

Yoo Waaqayyoo jedhe

Gugeen wucoolii ishee waliin baaxii manaa irra jiraatti. Mijateeraaf. Galgala tokko abbaan manaa "Ijoolle bor ganama ka'een baaxii mana kanaa diigee haaressa!" otuu jedhuu dhageesse. Isheef oduu yaaddessaa ture. "Yaa Waaqayyo ilaalikaa! Namichi ganama ka'een baaxii diiga jedhaa! Anii fi wucooliin koo eessa lixna?" jettee Waaqa kadhatte. "Namichi, 'Yoo Waaqayyo jedhe!' jedheeraa?" jedhee gaafate Waaqni! "Lakki hin jenne!" jettee deebisteef. "Yoos homaa hin sodaatiin!" jedhe. Ganama obboroo hiriyyaan isaa dhufee du'a firaa itti himee boo'icha waliin deeman. Manni hin diigamiin hafe.

Ji'a tokko booda ammas namichi waanuma dura jedhe sana dubbate. Gugeenis Waaqatti iyyatte. "'Yoo Waaqayyo jedhe nan diiga!" jedheeraa?" jedhee gaafannaan, "Hin jenne!" jette. Deebiin Waaqaa isuma duraa ture. "Yoos hin sodaatiin!" Ganama barii dhimma atattamaa hojii isaan wal qabatutu isa mudate. Mana diiguuf mitii fuula dhiqachuufuu yeroo hin arganne. Ni qajeele!

Ji'a tokko booda ammas galgala lafaa, "Ijoolle yoo Waaqayyo jedhe barii ka'een baaxii mana kanaa diigee haaressa!" jedhe. Gugeen ni rifatte. Akkuma amala ishee gara Waaqaatti iyyatte. "Ammas kunoo baaxii manaa diiguuf yeroo sadaffaa dhaadataa jira. Yaa Waaqayyo maal nuuf malta?" jette. Waaqni ammas gaaffii isuma dura gaafate irra deebi'ee gaafate. Isheenis, "Miilanahoo 'Yoo Waaqayyo jedhe nan diiga!' jedhe jettee deebisteef. 

Waaqayyo deebii kenneef. "Amma egaa namichi ni diiga. Baaxiin isaa dulloomee waan jiruuf diigee haareffachuu qaba. Namichi kun diiguuf erga karoorsee bubbuleera. Atuu kunoo yeroo sadaffaa na kadhataa jirta. Yeroon siif kenname ga'aa ture. Bakka biroo barbaaddattee man'ee keessa jiraattu ijaarrachuu dandeessa

 turte. Garuu, dhibaa'ummaa kee irraa kan ka'e yerootti hin fayyadamne! Dhibaa'ummaa keef gatii baasuuf jirta!"

Dhibaa'ummaan gatii nama baasisa jechuufan

SAMMUUN DHIPHACHUU (STRESS) HIR'ISUUF maal gochuu qabda?

1- NAMA WALIIN WALITTI DHUFEENYA QABAADHU. 

Namni qofaa jiraatuu fi yeroo gammaduuf gaddu nama waliin haasa’u hin qabne carraan rakkoo dhiphina sammuu qabaachuu isaa olka’aadha. 

2- WANTOTA SI DHIPHISAN ADDA BAASII BEEKI. 

Wantootni nu dhiphisan tokko tokko kan dhabamsiisuu (avoid) gochuu dandeenyudha. Kanneen qaama jireenyaa taa’aniifi dhabamsiisuun hin danda'amne immoo dursinee itti qophaa’uufi of to’achuun furmaata. 

3- HAWAASA KEESSA JIRAATTUUF BU’AA BUUSI. 

Namoota naannookeetti argaman gargaaruufi jireenya isaanii jijjiiruun gahee ati addunyaa kana keessatti qabdu sitti argisiisa. Jijjiiramuu, gargaaramuufi fayyadamuu ollaakeetii, hawaasa keetiif sababa yoo taatu, ofiikeetti gammadda. 

4- FEDHIIKEE NAMOOTA MURAASATTI HIMADHU KAN ISAANIIS DHAGGEEFFADHU. 

Kunis namootni fedhii siin walfakkaataa qaban akka jiran sitti argisiisuudhaan qaama hawaasaa akka taate sii mirkaneessa. Namoonni akka keetii akka jiran sii mul’isa. Qaama hawaasaa ta’uun ammoo dhiphina sammuu hedduu namarraa ittisa.

5- BOQODHU. 

Hammam hojiin yoo sitti baayyate illee boqochuuf yeroo qabaadhu. Yeroo hirribaa akka salphaatti ilaaltee ofirraa hin hanqisiin. Hirribni gahaan fayyummaa sammuu irratti gahee guddaa qaba.

6- WAAN KEESSA JIRTU SIRRIITTI HUBADHU. 

Yeroo baay’ee namoonni dogoggora yeroo darbee yaaduufi rakkoo fuulduratti itti dhufutti yaadda’uu malee waan amma kana keessa jiran hin yaadan, hin yaadatanis. Waa’ee guyyaa har’a keessa oollee, waa’ee aduu har’a baatee dhiitee, waa’ee waan har'a hojjechaa oollee yoo yaadne miidhama keenya nuuf hir’isa.

7- FAYYUMMAA QAAMA KEETIIF OF EEGGADHU. 

Rakkoon sammuufi miidhamni qaamaa kunneenii yeroo baay’ee walitti hidhata. Kanaaf ispoortii hojjachuu, nyaata sirriitti nyaachuu, muuziqaa jaallattu dhaggeeffachuufi waliin shubbisuu, haga dandeessetti fayyummaa qaama keetii eeggachuun sammuu kee nagaa taasisa.

8- WAAN HAARAA HOJJACHUU YKN BARUU YAALI. 

Jireenya kee keessatti yoo waan haaraa bartu yokaan hojjattu, jireenyi kee irra deddeebii ta’ee sin nuffisiisu. Miirri fiixa ba’umsaa, mo’ichaa, gammachuufi ofitti amanamummaa waan haaraa baruu keessaan argamu.

9- GARGAARSA GAAFACHUUF DUUBATTI HIN JEDHIIN. 

Namoonni hedduun gargaarsa gaafachuun mallattoo mo’amuu yokaan kufaatii, dadhabina itti fakkaata. Kun tasumaa dhugaa miti. Kanaaf rakkina kam keessattillee gammachuudhaan gargaarsa gaafachuun mo’amuu osoo hin taane injifachuudha. Rakkoo sammuun dhiphachuu kana illee taanaan gargaarsa gorsaa gaafachuun furmaata guddadha.

🙏Fayyaaf nagaa hin dhabiinaa🙏