Abbaa waadaa cabsee rabbiin haa adabuu

“Sin jaalladha” jechaa afaan damma gootee

Onnee koo qulqulluu jaalala sobaan mootee!

“Sin ganu” naan jechaa waadaa naaf galtee

Harka kee duubaan sobdee natti maltee

Yoom natti fakkaate waadaan akka cabu

Jaalala kee maleessaa jibba sirraa hin qabu.

Nama hunda caaltee dirreef daka keessaa

Onnee koo walakkaa ulfina guddaan teessaa!

Utuun si jaalladhuu jaalala koo wallaaltee

Waadaa koo ganamaa reeffa gootee awwaaltee!

Gaaf tokko siif galaa kun shakkii hin qabuu

Abbaa waadaa cabsee rabbiin haa adabuu!