Guyyaan tokko ni dhufa garuu kanatii imimmaan harcaaftuu

Jaalala keetiif jedheen hiriyyaa meeqan ganee

Ni amanamta jedheen onnee koo siif banee

Garuu gaararraa taateeti jaalala koo na salphiistee

Sin jaalladha naan jettee onnee maaf na dhiphiistee

Mee maaluma qaba garuu yoo natti himtee na dhiistee

Maalumaaf jaalala sobaa ofii dhugdee machooftaa

Gola onnee kee keessatti dhiira meeqa naqxee hooftaa

Hundumatti kokkolfaa deemtaa ilkaan kee manii keessa taa'uu

Yoo na dhiiste ni dhiista malee jaalala sobaan hin machaa'uu

Takka balleessaa hin qabdu dhiis anatu farda koo faalee

Anatu gabaa kee siif kaasee akkuma waaqaatti si ilaalee

Anatu mataarra si ka'aatee ati balleessaa hin qabduu

Waan na goote hundumaa gatii gaaf-tokko dhabduu

Aniis garaa siif kutadheeraa lammaffaa maqaakee dha'uu 

Miidhamuun onnee kootii suma irratti na haa ga'uu 

Utuun baayyee si jaalladhuu jaalala koof bakka dhabdee

Utuun baayyee si jaalladhuu nama kan biraa jalqabdee...

Maal gaafattee narraa dhabdee utuun jaalala keef cabee dhiiguu

Waadaa jaalalaa kee eeguuf jedhee utuun dachaaf gaara kutee fiiguu

Gufuu karaa keenya dura jiruu utuun hidda mataa kaasee diiguu

Imaanaan keenya ganamaa harra maaf namnii nyaatee

Aniis qofummaattan hafee atiis kan abbaa qarshii taatee

Maalumatu sitti dhaga'aama gaafa waa'ee koo-fa yaadduu

Maalumaaf jaalalan na qabdee gaafa qoraan malee na waadduu

Atiis anaaf nama xumuraa mitii simalee sagaltamii-sagaliin qabaa

Utuuma waanti fedhee dhufeeyyuu dhugaa rabbii kennaa koon dhabaa

Mee maalumaan si godhee kan jireenya koo mancaaftuu

Guyyaan tokko ni dhufa garuu kanatii imimmaan harcaaftuu

Kan lafarraa foqoqaa at gabbitee deebitu

Anan malees taasa kan bira hin ilaaltu!!