Ati maal akka tatee beeknan inni kan maal jedha hin aariin

Guyyaa tokko Simbirroon tokkoo fi kanniisni haasaa godhu ture.

Simbirroon sun gaaffii akkas jedhu kanniisa sana gaafate. "Erga itti dadhabdee, baay'ee dhamaatee, damma dammeesitee booda namni damma kee si jala hatee nyaata. Kun miira keessa si galchee sin aarsu?" jettee gaafatte.

Kannisni sunis akkas jechuun deebisteef "Waan tokkoyyuu nan aarsu. Sababiin isaa, namni damma koo hatuu danda'a malee ogummaan ittiin damma dammeessu hatuu hin danda'u" jettee deebisteef.

Kanaaf;

➥ Namni waan si keessa jiru, ogummaa Waaqni si keessa kaa'e argee itti fayyadamuu danda'u si qofa dha. Namni biraan gahuumsa dhokataa keessa kee jiru baasee fayyadamuu danda'u hin jiru.

➥ Namni waan ati of keessaa baastee hojjette, itti fayyadamuu danda'a malee, waan ati of keessatti ukkaamsitee irra teesse irraa fayyadamuu hin danda'u.

➥ Kanaafuu, ogummaa keessa kee jiru, gahuumsa dhokataa keessa kee jiru, isa eenyumtuu si jalaa hatuu hin dandeenye kanaan hojjedhu ofiif, dhalootaf bu'aa ta'i!

Ni dandeessa You can do it

➥ Wanti ati kun "hin danda'amu baay'ee ulfaataadha" jettu caaladhumattiyyuu sitti ulfaata.  Faallaa kanaa wanta ulfaatu kamuu kutannoodhaan itti deemnaan baay'ee salphaadha. 

➨ Injifannoon kee harka kee keessa jira. Abjuun kees hiika qaba. Waan abjootte immoo hiika itti kennuuf ammuma irraa dhama'i! Dhamaatii fi milkaa'inni kee hiika abjuu keeti.

➨ Abjuu kee of keessatti awwaaltee hafta taanaan ati ofiifuu hin taatu. Osoo ofiif hin taane namaaf ta'uun hin jiru waan ta'eef. Ofiif yoo taate kaaniif taata. 

➨ Jalqabni Milkaa'ina kee garuu anaa miti, isaa miti, ishee miti, isaan miti, nu'is miti, si'uma si'i mataa keeti. SITU SIIF HIIKA QABA. Hiika ofiif kenni namaa gaditti of hin ilaalin, namni ati ofii ol gootu hundinuu akkuma kee ji'a 9 tti dhalatee yeroo sana Maaliin si caala ture mee? Nuti hundinuu yeroo dirra lafaa kanatti dhufnu homaanuu wal hin caallu. Eegas booda namni akkaataa tattaaffii isaatiiniif akkaataa ilaalcha isaatiin wal caaluu jalqaba malee. 

➨ Kanaaf gabaabamatti wanti jechuu barbaadu, ilma namaa kana hundaaf yeroon wal qixa kenname. Siifi diina keetiifis wal qixa kenname, akkasumas atiif nama ati ofii olitti ilaaltuufis waluma qixa kenname. 

➨ Diina ofiitii gadi ta'anii diina ofiitti hajamuu caala wanti nama jibbisiisuu fi hamilee nama buusu hin jiru. 

Kanaaf teessee diina keetii gaditti ofi hin yaadiniitii yeroo walqixa siif kennamte kana isaa olitti fayyadamuuf yaali yoos caaluu dandeessaati.

➦ Wɑɑn beektɑnii fi dubbistɑn dhɑlootɑɑf dɑbɑrsɑɑ. Wɑliin bɑrɑnnee wɑliis hɑɑ bɑrsiifnu!  

ODEEFFANNOWWAN WAL QUNNAMTII SAALAA

●  Walqunnamtiin saalaa natti dhiitii sittan dhiitadha. Dhuunfaa ofiitif osoo hin taane akkuma dorgommii kuubbaa miilaa faayidaa walootif hojjachuun gaarii akka ta'e hubachuu qabna. Walqunnamtii saalaa gadi xiqqeessinaan wanta xiqqaa fi rakasa ta'eedha. Garuu yoo kabaja kennaniif kan akka walqunnamtii saalaa sammuu bilisoomsu, daandii jireenyaa yaaddoo malee kan qajeelchu, madda gammachuu hundaa oliiti.

☑️ Namoonni baay'een kana hin hubatan; Garuu odeessitoonni kun uuman wanta tokko akka itti hir'ise quba hin qaban; Innis walqunnamtiin saalaa maal akka ta'eefii madda gammachuu hundaa olii ta'usaa dagachuu isaaniti. Isaan kun miskiina uuman itti hir'iseedha. Isaan achumaa haa xibaaranii nuti gammannee wal haa gammachiisnu. 

☑️ Walqunnamtiin saalaa addunyaa tana bitaa akka jiru hin beekan; Olaantummaa walqunnamtii saalatiin kan ka'e namoonni bebeekamoon meeqa kabaja isaanii dhabaniiru. Hoggantoonni olaanon addunyaa kanaa meeqa sababa walqunnamtii saalaa kanaatin aangorraa furuursifamaniiru. Oduuwwan addunyaa hojii isaanii san jajuufis ta'ee qeequf gabaasaa akka turan seenan nutti odeessa. 

☑️ Eenyus ta'ee eenyuyyuu ijoollummaa isaarraa kaasee nama fedhu ishiinis guddattee heerumtee walqunnamtiin saalaas raawwatamee har'a ga'ame. Kanaafi jiruun lafa nuu qabannaan kan fuudhuf fiignu. Silaa maa kophaa hin jiraanne. Daa'ma barbaanneti akka hin jenne kan abbaa fi haadha hin qabne lafarra guute maa ofitti fuunee hin guddisne. Wal fuunan walqunnamtii saalaa waliin raawwachuufi.

☑️ Garuummoo walqunnamtiin saalaa walta'uu baannan ganamaa galgalli wal caqacaquudha. Bakka deemaniitti alagaatti wal hamachuu; Ijaan argaa wal jibbuu; Furmaanni xiqqoonillee kan dhabamu yoo ta'e hanga wal hiikutti deemmamuu danda'a. 

☑️ Yeroo ammaa kana firriyyuu balaa walqunnamtii saalatiif yeroo wal diinomsatu ni mul'ata. Walii amanamuu dadhabuu fi walitti ta'uu dadhabuu irraan kan ka'e gara biraa deemun wal shakkii hamaaf saaxileera. Kana jechuun walqunnamtiin saalaa kanserii fayyaalessa jiruu fi jireenya keenya to'ate ta'uu isaati. Warri kana osoo hin hubannee fi miira kanaa hin qabne garuu nuti fayyaadha jedhanii yeroo odeessan ni mul'ata. Garuu namni fayyaa qabu walqunnamtii saalaa ni jaalata hanga kaayyoo isa hin gachisiisnetti, iddoofii carraa osoo hin kennineef.

▪ Walumaa gala kaa walqunnamtiin saalaa akka baay'een keenya tuffannee gadi qabnee ilaallu osoo hin taane qaama jabaa addunyaa keenyaa kan ta'e, irree cimaa kan qabu, humna waan hunda too'achuu danda'uudha.

Walaloo ~ Afaan dhala namaa

Afaan dhala namaa

haasa'uu hin nuffuu

Warreen gurra laatan

kararratti hafuu

~

Dubbattu dubbataa

callistu sodaataa

Akka feete taatu

namni maqaa laataa

~

Kaayyoo lakkisanii

namaaf gurra laannan

Bakka yaadan mitii

karraa gad hin ba'an

~

Oduu namaa dhiisi

kayyoo keef jiraadhu

Tabba milkaa'inaan

danqaa kee moo'adhu

Namni waan qabuutti galateeffachuu qaba.

Namni waan qabu irratti galateeffachuu hin dandeenye yoomillee waan hawwus argatu hin galateeffatu. Wanta hin qabne ilaallee galataaf hongoomuu caalaa,kan qabnu lakkaawuu yoo eegalle jireenyi keenya dinqii fi raajii ta'a.   

Tarii rakkoolee adda addaatin marfamtee humna ittiin galateeffatu dhabuu dandeessa,garuu hamma fe'es hammaatu wanta itti galateeffattu hin dhabdu. Qabeenya hin qabdu yoo ta'e fayyaa keef galateeffadhu,meeqatu mana yaalaa ciisaa jira,rakkoo fayyaa qabda yoo ta'e humni fayyina GALATA keessa jira waan ta'eef lubbuun jiraachuu keef galateeffadhu. Ija onnee keetii yoo bante wanta itti galateeffachuu dandeessu heddutuu si marsee jira. 

Al tokko galateeffannaa amala kee yoo godhatte wanti ati itti galateeffachuu dandeessu si marsaa deemu,wal horaa dhufu. Kun seera harkisaati,seera uumaa(The law of nature).Ani ammatti lubbuun jiraachuu koof nan galateeffadha,harganuu koof nan galateeffadha,atihoo maaliif galateeffatta?

Walaloo Siif of kennuu?

Kabajan siif qabutu  guutee danbal'e 

Otoon waa'ee  kee yaaduu dhihee naaf  bari'e 

Waa'ee  kee yoon  kaase qaama kootu  hollataa 

Onneen  koo rifatee maashaan kottoonfata 

Narraa fagoo teessee naaf taateetta mootii 

Amma barabaraatti situu bulchaa kooti 

Bulchiinsi kee naaf ta'eera hin qabu gaaffi haqaa 

Addunyaa kee keessaa bahee eessa abbaa  koon  dhaqa 

Hidhiitii na garafi kuffisii na gangalchii 

Akka barbaadde  godhiiti atumti na bulchi 

Erga mootee  miira  koo miira  koo alaaf keessaa 

Yoo  barbaadde na bittee  na gurguruus dandeessa 

Dhiiga koo qulqulluu summii jaalalaan faaltee 

Eenyutu si gaafataree? Yoo  dhiittee na moote  

Hin qabu wantan sirreessu  hiriira sitti bahee 

Dhugaa waaqaaf  lafaati bulchiinsi kee naaf  tahe 

Eeyyama koo malee miira  koo na too'attee 

Jaarraa 21ffaatti garbicha kee na godhatte 

Ergan baachuu eegalee  gubaa sinboo keetii 

Ji'oonni darbeera waggaa guutuu kooti 

Dadhabee hin beeku nan baadha saggootti 

Alaala san  teessee miira  koo too'atti 

Garuu ati beektaa? Akkan siif gubadhee 

Cincaa'u kophaakoo  malkaaf tulluu ce'ee 

Karaa qaxxaamuree sin argaa gaaftokko?

Eenyummaa koo itti dhiisen eenyummaa kee jiraadha 

Ba'aa kee sirraa fuudheen jilbiiffadhee siif baadha

Dursitee na waraannatte eeboo xiyya jaalalaa

Siif of kenneen jiraadha mootii sin tajaajila

Yoo Waaqayyoo jedhe

Gugeen wucoolii ishee waliin baaxii manaa irra jiraatti. Mijateeraaf. Galgala tokko abbaan manaa "Ijoolle bor ganama ka'een baaxii mana kanaa diigee haaressa!" otuu jedhuu dhageesse. Isheef oduu yaaddessaa ture. "Yaa Waaqayyo ilaalikaa! Namichi ganama ka'een baaxii diiga jedhaa! Anii fi wucooliin koo eessa lixna?" jettee Waaqa kadhatte. "Namichi, 'Yoo Waaqayyo jedhe!' jedheeraa?" jedhee gaafate Waaqni! "Lakki hin jenne!" jettee deebisteef. "Yoos homaa hin sodaatiin!" jedhe. Ganama obboroo hiriyyaan isaa dhufee du'a firaa itti himee boo'icha waliin deeman. Manni hin diigamiin hafe.

Ji'a tokko booda ammas namichi waanuma dura jedhe sana dubbate. Gugeenis Waaqatti iyyatte. "'Yoo Waaqayyo jedhe nan diiga!" jedheeraa?" jedhee gaafannaan, "Hin jenne!" jette. Deebiin Waaqaa isuma duraa ture. "Yoos hin sodaatiin!" Ganama barii dhimma atattamaa hojii isaan wal qabatutu isa mudate. Mana diiguuf mitii fuula dhiqachuufuu yeroo hin arganne. Ni qajeele!

Ji'a tokko booda ammas galgala lafaa, "Ijoolle yoo Waaqayyo jedhe barii ka'een baaxii mana kanaa diigee haaressa!" jedhe. Gugeen ni rifatte. Akkuma amala ishee gara Waaqaatti iyyatte. "Ammas kunoo baaxii manaa diiguuf yeroo sadaffaa dhaadataa jira. Yaa Waaqayyo maal nuuf malta?" jette. Waaqni ammas gaaffii isuma dura gaafate irra deebi'ee gaafate. Isheenis, "Miilanahoo 'Yoo Waaqayyo jedhe nan diiga!' jedhe jettee deebisteef. 

Waaqayyo deebii kenneef. "Amma egaa namichi ni diiga. Baaxiin isaa dulloomee waan jiruuf diigee haareffachuu qaba. Namichi kun diiguuf erga karoorsee bubbuleera. Atuu kunoo yeroo sadaffaa na kadhataa jirta. Yeroon siif kenname ga'aa ture. Bakka biroo barbaaddattee man'ee keessa jiraattu ijaarrachuu dandeessa

 turte. Garuu, dhibaa'ummaa kee irraa kan ka'e yerootti hin fayyadamne! Dhibaa'ummaa keef gatii baasuuf jirta!"

Dhibaa'ummaan gatii nama baasisa jechuufan