Erga  dagatame tahuus bara hedduu

Tasa deebi'eera taatee mara gidduu

Gaafa san waan tahe yoon nan hima jedhe

Jaalalti mucayyoo waan inni na godhe

Guyyaa gaafa duraa gaafa na jalqabu

Nan qabamen seene yaada saas hin qabu

Guyyuma tokkotti tasa natti dhufee

Hangamuu kadhadhus miila jala kufee

Akkaan ol hin kaanet kaballaa na cufee

Anoo waansaan beeku waan ijji koo tahe

Barbaachi waan tahee climax gahe

Ajaja koo dhiise humna koo ol tahe

Deddeebi'ee laala daangaa meeqa cehee

Nama mana guute tokko arguu didee

Gara san na dirqa humna jabaa fidee

Guyyaadhuma tokkoon ibidda na hide

Erga guyyaa sanii baay'uman barbada

Daqiiqaaf sekondii mara isuman yaada

Yeroon dubbisuufii taa'us nama keessa

Hirriibaaniis tahu halkan walakkeessaa

Isiidhuma yaaduu halakaniifi guyyaa

Waa'ee shee xiinxaluu tahe hojiin kiyyaa!

Of keessaa gad baasee namatti hin himu

Humna koo ol tahee hangamuu na cimu

Ilkaan ciniinnadheen ofiikoon of gubaa

Dhibee falan qabneen ofumaaf of huba

Kuni jaalala moo nat himaa dhukkubaa?

Siifan muladha, Anis sin argaadha

𝗠𝗮𝗱𝗮𝗮 𝗻𝗮𝗿𝗿𝗮 𝗷𝗶𝗿𝘂

𝗘𝗲𝗹𝗮𝗮 𝘄𝗮𝗴𝗴𝗮𝗮 𝗱𝗵𝗲𝗲𝗿𝗮𝗮

𝗚𝗮𝗹𝗮𝗮 𝘀𝗶𝗿𝗸𝗮 𝗷𝗶𝗿𝘂

𝗔𝗱𝗮𝗿𝗮𝗮 𝗵𝗶𝗺𝗮𝗱𝗵𝗲𝗲𝗿𝗮

𝗜𝗷𝗮𝗸𝗼𝗼 𝗮𝗯𝗱𝗶𝗶𝗸𝗼𝗼𝘀

𝗦𝗶𝗿𝗿𝗮𝘁𝘁𝗶 𝗵𝗶𝗱𝗵𝗮𝗱𝗵𝗲𝗲𝗿𝗮

𝗠𝗶𝗶𝗿𝗿𝗶𝗸𝗼𝗼 𝗱𝗮𝗱𝗵𝗮𝗯𝗲𝗲

𝗢𝗯𝘀𝗮 𝗳𝗶𝘅𝗮𝗱𝗵𝗲𝗲𝗿𝗮

𝗡𝗮𝗮𝗳 𝘁𝗮'𝗶 𝗷𝗮𝗯𝗮𝗮𝗱𝗵𝘂𝘂

𝗡𝗮𝗺𝗮 𝗶𝗺𝗮𝗮𝗻𝗮𝗮 𝗯𝗮𝗮𝘁𝘂

𝗦𝗲𝗲𝗻𝗮𝗮 𝘁𝗼𝗼𝗿𝗮 𝗴𝗮𝗹𝗰𝗵𝗲𝗲

𝗞𝗮𝗮𝘆𝘆𝗼𝗼 𝗶𝘀𝗮𝗮𝗳 𝗸𝗮𝗻 𝗸𝗮𝗮𝘁𝘂

WALQUNNAMTII SAALAA YEROO LAGUU

☑️  Laguun badhaasa uumati. Akkuma harganuu, nyaachuu sirna uumamaa keessaa isa tokkoodha. Taatee ji'aan uumaa walakkaa dachee kan ta'an shamarree keenya muudatuudha. Laguun (menstruation) jechuun omaa jechuu miti. Laguun waan lagatamuu qabu miti. Gaafa ulfi dhabame ciccituu dhuma sararaawwan gadameessa haguuganiiti. 

☑️  Garuu immoo sirna uumaa bareedaa kana maqaa balleessin irra tuullame xiqqoo miti. Dhiira mitiitii dubartiinuu yaada dogongoraa aadaa hawwaasa kanaaf saaxilamteerti. Hanga dubartii ta'anii uumamuu isaanittirree kan qaana'an baay'edha. Addunyaa irratti yeroo laguun itti dhufe hawaasa keessaa kan of baasan miliyoonan lakka'amu.

☑️  Dubartiin laguun itti dhufe dhiira walqunnamtii saalaa wajjin raawwachuu hin feene laguutu narra jira jetteet yeroo dabarsiti.  Ispoortii hojjachuu yoo hin barbaannes torbanuma torbaniin barsiisaa ispoortii kan gowwomsitu guutte. Kana kan gootuf kaa laguun waan fokkisaa fi jibbisiisaadha kan jedhu waan amantee fudhatteefi.

☑️  Laguun normal ta'e tokko akkuma bishaani qulqulludha haalluu isaatu diimadha malee. Foolii badaa hin qabu yoo dubartittiin rakkoo biraa qabaatten ala. Yoo qaamarra bubbule garuu akkuma dhiiga kamiiyyuu foolii godhachuu danda'a.

☑️  Dhiirri jaalallee/niitii isaa sirritti jaallatu yeroo ishiin laguurra jirtu walqunnamtii saalaa wajjin raawwata. Ammam akka ishii jaallatu ragaa ba'aaf. Osoo itti hin boonne haadha manaa isaa waliin yeroo laguu walqunnamtii saalaa dhiirri raawwatu dhiira miira isaatif osoo hin taane jaalallee/niitii isaatif yaadudha. Kuni garuu dhiira jarjaree humnaan dubartii laguun irra jiru waliin walqunnamtii saalaa raawwatu hin ilaallatu. 

★  Faayidaa walqunnamtii saalaa yeroo laguu:

☑️  Dhukkubbii yeroo laguu nurraa ittisa. Miiraa keessa seenanii gammaduun dhukkuba nama irraanfachiisa. Gadameessi yeroo laguu waan kottoonfatuuf dhukkubbiin nutti dhaga'ama. Yeroo fedhii keenya ba'annus waan kottoonfatuuf dhukkuba kana ni balleessa.  Mataa dhukkubbii irraa ni ittisa. Yeroo laguu mataa dhukkubbii cimaan dubara tokko tokko darbee ni muudata.

☑️  Mukaa'uu ni balleessa. Yeroo laguu akkuma beekamu dubartoonni ni mukaa'u, haalli itti hin tolu, ni ciciinqamu. Yeroo walqunnamtiin saalaa raawwatamu sammuun keenya kemikaala maddisisuun miirri gaarin akka nutti dhaga'amu godha. Sirritti miira keessa seenanii fedhii ofii ba'uu caala maaltu mukii nurraa balleessaree.

☑️  Guyyaa laguun keenya nurra turu nuuf gabaabsa. Dubartii taanee laguun keenya akka nurra turu hin feenu. Kanaaf walqunnamtii saalaa yeroo laguun nurra jiru raawwachuun maashan keenya kottoonfachuun yaa'insa ariitin isaa akka dabalu gochuun dafee akka nurra dhaabbatu godha.

☑️  Fedhii walqunnamtii saalaa ni kakaasa. Yeroo laguu jijijjiirramuu hoormoonitiin walqabatee fedhiin miira keenya kan duraan nun feesiisne yoo ta'e amma sababa kanaaf fedhii horachuu dandeenya.

☑️  Laguun kun akka laaffisoo (lubricant) nu fayyaduu danda'a. Dhiigni yaa'u kun nafsaala dubaraa laaffisuun nafsaalli dhiira dhiibba tokko malee akka sosocho'uuf carraa argata. Nafsaalli dubaraa kan yeroo kaan goggogdee walqunnamtii saalarratti dhukkubbiin itti dhaga'amu sun amma sababa laguutin waan jiituf rakkoon kun ni furama.

⚠️  Walqunnamtii saalaa yeroo laguu raawwatamuuf ulaagan guuttamuu qabu:

☑️  Dubartiin laguun irra jiru walqunnamtii saalaa raawwachuuf gaafa murteessitu wantoota akka moodeesi fi waanuma akka laguu xuuxuf godhatte kamiyyuu dursitee ofirraa baasuu qabdi. Modeesin kan akka forgotten tampon faa osoo hin baafne walqunnamtii saalaa raawwannaan nafsaala keenya keessa waan olbaduuf isa baasisuuf jecha gara buufata fayyaa waan nu geessuf dursinee ofirraa baasun murteessadha.

☑️  Uffata biraa sireerra hafuu. Yeroo laguu akkuma beekkamu dhiigni ni yaa'a. Kanaaf uffata irra bullu dhiigan balleessuu hin qabnu. Kanaaf amma nuu danda'emetti uffata dur irra ciisnurra waa biraa uwwisuudha.

☑️  Mana shaaworiitti raawwachuu. Dhiigni Walqunnamtii saalaa yeroo laguu ni yaa'a. Kan dubartoota tokko tokkoo immoo baay'isee yaa'u danda'aa

Dubbisuun waan gaariidha

Dhaloonni dubbisu, waan baru qaba. Sammuun waan barreessee dhalootaaf waan dubbisu gumaachummoo gatii jaba qaba. Sammuu isaatti dhimma baheera. Sammuun nama, waan tolaas, waan badiis ni kalaqa. Barreeffama keessas kun ni jira. Gama kamiinuu, wanti ati dubbisuutti jirtu, dandeettii yaada sammuu nama tokkooti. Dandeettii hubanna sammuu nama tokkooti. Ogummaa kalaqa sammuu nama tokkooti. Hunda dhugaaf dhara isaa, faayidaaf miidhaa isaa, bu'aaf hir'ina isaa kan hubachuu qabummoo si isa dubbisaa jirudha. Anis innin dubbisaa jiru, akkuma inni barreesse sammuu isaatti fayyadamee, buusee baasee yaada sammuu isaa kana dandeettii sammuu kootiin calalee simachuun qaba. Barreeffama tokko keessatti Arraba gaafan argu isan fudhee arrabatti amaneen ogummaa godhadha miti. Dandeettii arrabsuu danda'uu isaa garuu nan dinqisiifadha. Alex Abraham Kitaaba isaa, Dr Ashabbir jedhu keessatti, Jechoonni inni Arrabaaf fayyadamu, Dubartii Marraabitee irraa dhuftee Ollaa keenyatti galte takka na yaadachiise. Ilma tokkicha qabdu tokka akkatti isheen arrabsitu uggum!😂 Hundan yaadadhe. Yeroo isheedhaan ollaa turres nan kolfa. Gafa kitaabicha dubbisus nan kolfaa dubbise. Barreeffamni akkasi, humna isaati akka jaa'insiifattu si godha. Taatee keessa darbites si yaadachiisa. Ilaalcha Oromoo gaafan dubbisu, Jechootan dagadheef, gochoota maatiin koo, Akkoof Akaakayyuun koo yeroon ijoollee xiqqoo ture dubbataniif, gocha isaan raawwatanin yaadadha. Barreeffamni sin barsiifneef sammuu kee duubatti deebisee hin haaromsine hinjiru. Kanaaf garuu jalqaba; ati nama jireenya jiraatee arge ta'uutu barbaachisa. Jireenya jiraatanii arguu, deebi'anii waan yaadatan qabaachuuf barbaachifti.

Sammuu ijoollee gabbisuuf

1. Hirriba Gaarii

Maatiif ijoollee raffisuun hojii guddaa tahuu danda'a. Hirribni sammuu daa'imaa gabbisuuf raffisuun gaariidha.

2. Muuziqaa

Keemikaalli doppaamiin jedhamuufi miira gaarii akka nutti dhagahamu taasisu yeroo muuziqaa dhaggeeffannu akka argannu ni hima.

Ijoolleen of-ibsuufi haasa'uun yoo isaan rakkise muuziqaa itti banuun sammuun isaanii akka xiinxaluufi waliigalteef qophaa'oo isaan taasisa.

3. Hiriyyaa wajjin taphachuu

Baayyeen keenya hiriyyoota keenya wajjin yeroo dabarsuu, kubbaa taphachuu yookiin fiilmii ilaaluun nutti tola.

Hiriyyaa wajjin yeroo dabarsuuf carraa argachuun fayyaa sammuu jabeessa. Hiriyyummaan dhiphina hir'isa, ofitti amanamummaafi gammachuu dabala.

4. Sosso'uu

Dammaqoo tahuun amala ijoollee tahuu akka qabu hunduu beekna.

Sochiin qaamaa keemikala sammuu isaanii sirreessuun fayyaa sammuu ijoollee ni fooyyeessa, kunimmoo amala isaaniis ni sirreessa.

5. Nama kan garaa itti himatan

Ijoollee waan garaa isaanii akka haasa'aniifi mari'atan gochuun barbaachisaa dha.

Qofaa isaanii akka hin taane isaaniif mirkaneessuufi dhukkubsachuun balleessaa isaanii akka hin taane itti himuun waan gaarii akka itti dhagahamu godha.

Ijoolleen sammuun isaanii fayyaa miti jettanii yoo yaaddan hakiimni yeroo yerootti akka isaan ilaalu gochuus qabdan.

Bututtii sammuu (burnout) maaltu fidaa?

¶ Hojii ofii irraa bu'aa gar-malee guddaa eeguu ykn karoora ifa ta'e dhabuu.

¶ Jireenya ykn hojii ofii irratti to'annaa dhabuu fi Jireenya ofiitiif madaala dhabuu..... hojii, bashanna, hariiroo maatii fi namootaa fi kkf walmadaalsisuu dhabuu.

¶ Haala hojii namaaf hin mijanne, burjaajii ta'e keessaa hojjechuu.

¶ Deggarsa maatii, hiriyaa fi kkf dhabuu.

¶ Hojii walfakkaataa, kan jijjiirama/dorgommii hin qabne hojjechuu.

¶ Nama mara gammachiisuuf yaaluu.

¶ Hojiin namatti baayyachuu, Yeroo ofii seeraan fayyadamuu dhabuu.

¶ Waan hin dandeenye, garmalee nama muddutti waadaa galuu