Gaaffilee Sooqiraates sadan

Namticha tokkotu, kutaa Sooqiraates itti boqotu dhaqee akkas jedheen: "Sooqiraates michuuko, waa'ee hiriyyaakee 'abaluu' waantin dhagahe natti hin tolle" jedhaan. 

Sooqiraates, booratiisaatti akkuma hirkateen, deebii osoon kenniifiin cal jedhe. Namichi ammas, "ajaa'iba! kun isarraa hin eegamu" jedhe, hidhii akka xuuxetti, huuruu bitaaf mirgatti raasaa!

"Namtichi kun salphaatti nan gadhiifne" jechuun, Sooqiraates, walii galtee tokko dhiyeesseef.

"Waa'ee  hiriyyaa koo, kan natti himtu sanaa, akkan dhagahu yoo feete, gaaffilee sadii durseen si gaafadhaatii tartiibaan naaf deebisi," jedhaan.

 Namtichi odichaaf ariifatus, filannoo biraa waan hin qabneef itti walii gale. "Gaaffiin jalqabaa waa'ee dhugummaati," jedhe Sooqiraates, "Waa'ee  hiriyyaa koo, kan dhageesse, dhibbaa dhibba dhugaadhaa?"  Namtichis, "dhibbaan dhibbaallee dhugummaasaa hin beeku" jechuun,  qana'aa, deebiseef "Baheessa! Kan nat himuuf kaate dhugummaa kan hin qabnedhaa jechuudha. Tole, gaaffiin lammaffaa waa'ee gaarummaati, kan nat himuuf jettu kun gaarummaa ofkeessaa qabaa?" jechuun Sooqiraates ammas gaafachuu.

Namtichis, "Waan gaariihoo miti" jennaan, Sooqiraatesis, "dhugummaansaa kanin mirkanoofne, gaarii kan hin taane natti himuu barbaadde; haa ta'u, gaaffii sadaffaa fi isa dhumaa sin gaafadha; Kan natti himuu kaate sun waan na fayyadudhaa? jennaaniin, Namtichimmoo, "lakki! lakki faayidaallee siif hin qabu," jechuun lafa laale.

Yoona kana Sooqiraates, "mee akkamiinan, dhugummaansaa kanin beekamne, gaarii kanin taane, anaan kanin fayyadne, si dhaggeeffachuu   danda'a; sokki na biraa sin dhagahu" jedhee jedhama! Meeqan keenyatu, kan namni nutti odeessu ykn odeessinu dhugaa, gaarii fi faayidaa qabeessa ta'uusaa calalla? Fulduratti waan dhageenyuufi dubbanuf, gaaffilee Sooqiraates sadan kana ulee safaraa haa godhannuun dhaamsa kooti!

Erga  dagatame tahuus bara hedduu

Tasa deebi'eera taatee mara gidduu

Gaafa san waan tahe yoon nan hima jedhe

Jaalalti mucayyoo waan inni na godhe

Guyyaa gaafa duraa gaafa na jalqabu

Nan qabamen seene yaada saas hin qabu

Guyyuma tokkotti tasa natti dhufee

Hangamuu kadhadhus miila jala kufee

Akkaan ol hin kaanet kaballaa na cufee

Anoo waansaan beeku waan ijji koo tahe

Barbaachi waan tahee climax gahe

Ajaja koo dhiise humna koo ol tahe

Deddeebi'ee laala daangaa meeqa cehee

Nama mana guute tokko arguu didee

Gara san na dirqa humna jabaa fidee

Guyyaadhuma tokkoon ibidda na hide

Erga guyyaa sanii baay'uman barbada

Daqiiqaaf sekondii mara isuman yaada

Yeroon dubbisuufii taa'us nama keessa

Hirriibaaniis tahu halkan walakkeessaa

Isiidhuma yaaduu halakaniifi guyyaa

Waa'ee shee xiinxaluu tahe hojiin kiyyaa!

Of keessaa gad baasee namatti hin himu

Humna koo ol tahee hangamuu na cimu

Ilkaan ciniinnadheen ofiikoon of gubaa

Dhibee falan qabneen ofumaaf of huba

Kuni jaalala moo nat himaa dhukkubaa?

ABBAA WARRAA GAARII

➲ Haati manaa kee kunuunsa barbaaddi. Akka itti tolu feeti. Kanaaf ishii gammachiisuf ganamaa galgala dhama'i. Akka itti tolee fuula ifaadhan yeroo hunda si simattu gochuutu sirraa eeggama. Waan kee kamiyyuu hin hambifatiniitii ishiidhaf laadhu. Ati kana hin gootu taanan abbaa warraa ta'uuf xiqqoo si hafa.

➲ Jaalala kee itti agarsiisi. Carraa argatte kamiyyuu fayyadamiitii dhungadhu. Yeroo sitti tole hundayyuu olfuudhii baadhu. Waan hundarra kan akka jaalala ofii ibsuufii haadha warraa kee gammachiisu hin jiru. Jaalala ishiif qabdu haadha warraa keetti hin agarsiiftu taanan abbaa warraa ishii wanti si taasisu hin jiru.  @wal agarra

➲ Dhiironni durii dubartii biratti jaalatamuuf goota of godhu. Gootummaa isaa agarsiisuf nama yoo dhabe bineensa adamsee ajjeesee ishiitti of agarsiisa. Dhiironni yeroo ammaa immoo faallaa warra durii gadi of buusanii, of laaffisanii, garaa nama booressanii akka dubartittiin naatuf of fakkeessu. Haati warraa kee garuu dhiira waan hunda didee dhaabbatu hin jaalattu. Dhiira dadhabaa immoo ni tuffatti. Kanaaf abbaa humnaa ta'uu kee agarsiisun hin barbaachisu. Of laaffistee mul'achuunis sirraa hin eeggamu. Bakka barbaachisutti jabaa taatefii argamuu qabda.

➲ Dubartiin hasawaa bareedaa dhaga'uu feeti. Kanaaf yeroo hunda waan gaggaarii itti hasaasi. Dhiira qaamni isaa ispoortin tole dubartii ija fuudha. Amma si danda'ametti ispoortis hojjadhu. Uffata qulqulluu mimmiidhagaa yeroo hunda uffattee itti mul'achuu qabda. Ati kana hundayyuu hin gootu taanan abbaan warrummaa kee gatii hin qabu.

➲ Haati warraa kee mana ishii ni jaalatti. Kanaaf mana diddiigdee koseessun sirraa hin eeggamu. Haati warraa kee ammamiyyuu yoo si jaalatte warra ishiis dhabuu hin feetu. Kanaaf atis jaalala warra ishii yoo qabaatte fi kunuunsite jaalaluma keessantu bareeda malee wanti sinitti hir'atu hin jiru. Warra ishii hin jaalattu taanan ati abbaa warraa ishii ta'uun siif hin malu.

➲ Yeroo aartu oolmaa kee dagachuu dandeessi. Rakkoo garaagaraa irraan kan ka'e amala baduu dandeessi. Atimmoo yeroo kana obsa godhattee ishii tasgabbeessuu qabda. Obsa dhabdee atis ishiitti kan aartu yoo taate abbaan warrummaa kee gatii dhaba.

➲ Carraa argatte kamiyyuu fayyadamii haammadhu, dhungadhu. Qaama ishii hunda dabbasaadhaa jalqabee harka kee irra oofaa akka ishiin eenyuu olitti miidhagduu akka taate yeruma hundayyuu itti himi. Akkuma kee ishiinis fedhii waan qabduuf iftooman gaaffuu sireetti ol baasi. Kana hin gootu taanan abbaa manaa wanti si jechisiisu hin jiru.

➲ Haati warraa kee of bareessitee, of mimmiidhagsitee mul'achuu barbaaddi. Akka ishiin midhagdee jirtu jajuu qabda. Akka of tolchituuf haala mijeessufii qabda. Hinaaffan waxalamtee miidhaga haadha warraa keetti gufuu taata taanan ati abbaa warraa ishii miti. @wal agarra

➲ Miira kee, gadda kee, gammachuu kee kamiyyuu yeroodhan haadha warraa keetti himi. Gadda keessan waliin obsaa. Gammachuu waliin dhamdhamaa. Rakkoo kamiyyuu yeroon waliin furaa. Waan ishiin siin jettu kamiyyuu sirnaan dhaggeeffachuu qabda. Wanta hundayyuu ishii dhoksitee kophaa dhuma kee raawwatta taanan abbaan warrummaan kee gaafii keessa galaa deema.

➲ Amma dachee kanarra jirtutti Waaqatti aanee kan haadha warraa kee siif caalu omtuu hin jiru. Ijoollen kee ishiitti aananiiti. Warri kee fi firri kee bultii kee booda ilaallamu. Yoomiyyuu dursa haadha warraa keetif laadhu. Namni ishii siif caalu akka hin jirre yeroo yeroon itti himi. Haadha warraa kee akkuma nama dhuunfaa wayiitti ilaaltee kan omaa sitti hin fakkaanne yoo ta'e ati ulaagaa abbaa warraa ta'uu hin guuttu jechuudha.

◉ Walumaa galatti jiruuf jireenya kee keessatti kan gammachuu haadha warraa kee siif caalu hin jiru. Kanaaf yeruma kamiyyuu wanta ishii aarsu irraa of qusachuu, jaalala ishiif qabdu gochaan itti agarsiisuu. Miira ishii gammachiisuf tattaafachuu, fedhii ishii guutuf dhama'uu. Waan ishiin feetu iftooman gaafatanii waliin guutaa deemun barbaachisaadha

DURBUMMAA ~ Virginity

☑️  Waa'een durbummaa kana keessattuu gaaffi jabduu kan taate kan akka kiyyaa fb kana gubbaarraa xibaaraa oolludha. Dhageenyee malee dhandhamnee waan hin beekneef halkanii guyyaa akka waa'ee durbummaa kana yaannu nu godheera.

☑️  Addunyaa irra jiraannu kanatti, keessattuu yeroo ammaa kana durbummaa caala wanti gatii guddaa nama baasisu waan jiru natti hin fakkaatu. Sooreeyyiiin addunyaa keenyarra jiran qarshii miliyoonan lakka'amu invest godhanii durbummaa meeqa meeshaa dhuunfaa isaanii godhataniiru. Carraa akkanaa kan argattu kaa durbummaa carroomtedha. Faallaa kanaa immoo durbummaa heedduun kashlabbee omaa hin qabne kan akka kiyyaatin lafarraaa dhabamaniiru. Durbummaan eebbifaman immoo guyyaa isaanii eeggatanii abbaadhuma warraa harkatti kufuu danda'aniiru. Sa'a amma kana immoo durbummaa lubbuun jiran carraa gara fuulduraatti isaan muudatu kan yeroon deebisu ta'a. 

☑️  Dubartootuma birattis durbummaan iddoo olaanaa qabdi. Baay'een isaanii guyyittii durbummaa gatan kaan gammachuun kaan immoo gaddaan yaadatu.  Tokko tokko immoo humnaan gudeeddamanii yeroo dheeradhaaf rakkoo xinsammuu keessa seenaniiru. Tokko tokko immoo kabaja olaanaa kennuufirraan kan ka'e akkuma baatanii jiranitti akka wajjin awwaalaman seenan ragaa ba'a.   Yeroo baay'ee dubartiin durbummaa hin qabneerree ani 'durba' jettee dhiira jarjartuu meeqa yeroo harkatti gubdeera. Kana malees guyyaa laguu/xurii eegdee walqunnamtii saalaa raawwachuun kunooree durbummaan ati gororaafii baate jettee dhiira gowwomsite anuu nan beeka.

☑️  Yeroo baay'ee durbummaa kukkutuun akka gootummaatti warra fuudhee fi warri jaallalleen itti gadi lakkiste yeroo odeessan ni dhageenya. "Inatalitti keessa kute" jedhani gadi ba'anii dhiironni of dhaadhessan muraasa miti. Ishiin mee amma yoona durbumman jirti jedhamnaan garanaa garasii kan qarriffaa itti qaraa chaa bulu baay'edha. Dhiiratti kan mul'atu durbummaa fudhatee, dhiiga ishiitin of dhiqee kunoo shaashin jechuu malee ishiitti maaltu dhaga'ama kan jedhu hin jiru.

☑️  Biyyoota akka Hindiitti durbummaan walitti funaannamteet gabaadhaa dhiyaatti. Kuni lafumaa ka'ee osoo hin taane durbummaan dulluma ni balleessa, jaarsa ni qeerromsa amantaa jedhu irraa ka'aniiti. Dhugaadhaa laata? Ani hin beeku. Wanti nama dinqu immoo dubartoonni baay'een yeroo amma kana iyyessuus nurra dhalata jedhanii durbummaa baatanii yeroo lakka'aa jiraachuu isaaniiti. 

☑️  Durbummaan tun rakkoon kan marfamteedh. Gidiraan kan guuttamteedha. Osuma walqunnamtii saalaa hin raawwanne warri durbummaa of jalaa bittinneesse guute. Wantittin muka silkii miti, qodaa haphii waan taatef mudannoo garagaraatin dhabamuu dandeessi. Utaalcha wadarootin, sayikilii oofudhaan, farda gulufuun,ba'aa humnaa olii baachudhan, fincaan walitti kuufamee yeroo humnaan darbatamu galaafachuu danda'a. Anis, atis, ishiinis sababa hin beeknen dhabamuu danda'a. Waaqni yoo barbaades duwwaadhuma si bixxiluu danda'a. Sareen ilmoo ishii akka malee jaallattu ofumaaf nyaatti jedhan. Dubartoonni akka malee of jaallatanis durbummaa kana ofumaaf oolfachuu hin oolle. Masturbation gara keessatti raawwatamuunis ni bada.

☑️  Dubartoonni amma durbummaa isaanii kan ta'eef gumaachaniitti yaaddon isaa kan balaati. Osuma omaa hin raawwanne na keessa jirti moo hin jirtuu jedhanii yaadda'u. Walitti galiinsa nafsaala gara lamaanii maal akka fakkaatu arguuf ni bibir'atu. Oduu nama dhukkubaa, hin dhukkubu jedhamu dhaga'aa waan guddataniif guyyittin irraa fagaatti. Guyyittiin gaafasii galmee seenaa isaanirratti jalqabarratti katabamtee sirnaan teessi.

✅ Dubartoonni heeruman yookin fedhuma isaanitiin walqunnamtii saalaa raawwatanii durbummaa hin qabne yeroo namni waa'ee durbummaa barreessu, odeessu omaa itti hin fakkaatu. Hagas mara itti hin dhimmaman. Rakkoo guddaa fi cinqii keessa kan jiran warra hanga yoonaa walqunnamtii saalaa hin raawwanneedha. Keessattu immoo sababa garaagaraatin kan akka saayikilii, ispoortii faadhan ni bada oduu jedhu gaafa dhaga'an baay'ee nama yaaddessa. Dhugaan jiru garuu ati hanga walqunnamtii saalaa bira hin geenyetti parsaantii dhibba (100%) durbummaan jirta. Kana amani. Aabshir hin yaadda'in. 

❓ Durbummaatti osoo hin buune walqunnamtii saalaa raawwachuun ni danda'amaa ?

✅ Dubartiin tokko yoo durbummaa balleessuu hin barbaanne fedhii walqunnamtii saalaatiin gubachuu qabdi kan jedhu hin jiru. Fedhiin foonii baay'een kan jiru qinxirii (clitoris) gubbaarra waan ta'eef wantoota akka masturbation addaa addaatin fedhii ba'uun ni danda'ama. Durbuummaaf yaadda'aa walqunnamtii saalatiif gubachuun rakkoo xiinsammuutif nama saaxila. Malli ittiin durbummaa tursiisan kun 'technical virginity' jedhama.

❓  Durbummaan tokkicha bannaan ni deebi'aa ?

✅ Durbummaan tokkicha citnaan waan deebi'u miti. Haa ta'u malee yeroo ammaa kana guddina technology tin walqabatee surgery garaagaraatin transplantation (suphaa) adda addaa akka taasisaa jiraanidha. Garuu bakka durbummaa ganamaa sana bu'uu waan danda'u miti.

Namni waan qabuutti galateeffachuu qaba.

Namni waan qabu irratti galateeffachuu hin dandeenye yoomillee waan hawwus argatu hin galateeffatu. Wanta hin qabne ilaallee galataaf hongoomuu caalaa,kan qabnu lakkaawuu yoo eegalle jireenyi keenya dinqii fi raajii ta'a.   

Tarii rakkoolee adda addaatin marfamtee humna ittiin galateeffatu dhabuu dandeessa,garuu hamma fe'es hammaatu wanta itti galateeffattu hin dhabdu. Qabeenya hin qabdu yoo ta'e fayyaa keef galateeffadhu,meeqatu mana yaalaa ciisaa jira,rakkoo fayyaa qabda yoo ta'e humni fayyina GALATA keessa jira waan ta'eef lubbuun jiraachuu keef galateeffadhu. Ija onnee keetii yoo bante wanta itti galateeffachuu dandeessu heddutuu si marsee jira. 

Al tokko galateeffannaa amala kee yoo godhatte wanti ati itti galateeffachuu dandeessu si marsaa deemu,wal horaa dhufu. Kun seera harkisaati,seera uumaa(The law of nature).Ani ammatti lubbuun jiraachuu koof nan galateeffadha,harganuu koof nan galateeffadha,atihoo maaliif galateeffatta?

Akka fetee na gottee, Barbaadus na dhistee, kan bira filaate, anattin tufattee

 

Ani bar....

Akkuma dacheettin Nuffii malee si baadha Hin fakkeessu hin akkeessu Dhuguma dhugaan si jaaladha Darbannaa eeboo jecha kee Obsee damdamadhee Imimmaan keessa koos Haqxuudhaan haqadhee Taa'i jettu taa'een Faallessinaan ka'a Siif jedhee meeladheen Okkolee naafa ta'a Atimmoo..... Bishaantu qallateef Loltee na doorsista Akkuma abbaa irreetti Hiitee nat-roorrista Yoo feete na dhibamsiistee Feetummoo na fayyista Hawwitu na ajjeestee Feetu du'aa na kaasta Feetu na boochistee Na mankaraarsita Feetu qirqirsitee Na kokkofalchiista Fuula keerra hin jiru Miirrif yaadni jaalalaa Nan ilaala hin mul'atu Onneen kee halaalaa Egaa....... Ammas siifan hima Isuma akka kalee Homtuu nan gammachiisu Yoo si taate malee Ol baasii gad-buusii Dhaamsa koo hubadhu Fageenya dhiisitii As natti dhiyaadhu Callistee nan cinqin Haalaan nan dubbadhu Dhokattee hin taa'iin Ol ka'ii natti mul'adhu!

HARKA KEETTI DU'EE

Angafa durbootaa

Mootii bareedinaa

Waardiyyaa onnee koo

Ati naaf ulfina

Bareedina taanaan

Maaltu siin wal gita

Sinboon kee alaalaa

Eenyummaa koo bita

Walgeettin nyaara kee

 Konkonni funyaanii

Qallinni mudhii kee

Addeenyi ilkaanii

Ijji kee gurguddaa

Mudhiin kee kan sonsaa

Ijjannaan koomee kee

Miira kan koo onsaa

Faaya kennaa addaan

 Uumaan tolchee uume

Otoon akka shaamaa

Sumaaf baqee dhume

Otoo siif eegduu tahee

Si na eegsisanii

Otoo cinaa kan kee

Ana teessisani

Otoon carroometoo

Duukaa kan kee buhe

Harka keetti qorree

Harka keetti du'e