Faayidaa wal qunnamtii saalaa

🔥 Walqunnamtiin saalaa gammachuu miira keenyaa qofaaf osoo hin taane fayyummaa qaama keenyatiifis murteessadha. Mukaa'uu irra jalqabee hanga kaanseriif saaxilamuu hir'isuu danda'a. Jaalalleewwan lama warra walqunnamtii saalaa hin raawwanne caala warra raawwatan jidduu hariiroo cimaatu jira. Kabajaa fi jaalalli isaan walii qaban kan addaati. Qaamni keenya dhukkuba ofirraa akka ittisuu fi hirriba bareedaa akka rafnu nu taasisa. 

☑️ Qorraaf saxilamuu ni hir'isa. Dhukkuba biraa akka dandamannu ni taasisa. Walqunnamtii saalaa baayisuun yeroo dhukkubaaf saaxilamuu ni xiqqeessa. Akka qaamni bacteria, virus fi germ garagaraa of irraa ittisu godha. Dhiibbaa dhiigaa hir'isuuf ni fayyada. Kana jechuun immoo halkanii guyyaa walqunnamtii saalaa waan raawwattuuf  dhibeen gonkuma si hin qabu jechuu miti.

☑️ Fedhiin keenya akka hin hir'anneef walqunnamtii saalaa baayisuun ni gorfama. Yeroo walqunnamtii saalaa dubaraa irratti dhukkubbii dhaga'amuu fi gogiinsa nafsaalaa xiqqeessuf walqunnamtii saalatti jabaachun gaaruma. Yaa'insa dhiigaa gara nafsaalatti taasisuun akka yeroo hunda naaf saalli dubaraa lallaafu taasisa. 

☑️ Walqunnamtii saalaa yeroo hunda raawwachuun akka dubartoonni fincaan isaanii to'ataniif ni gargaara. Yeroo walqunnamtiin saalaa raawwatamu miiran dubartiin yeroo fiixerraa geessu maashawwan naannoo gadameessaa jiran waan kottoofataniif dhiibbaa kana dandamachuu ni danda'u. Jabeenyi yeroo gadameessi isaanii kottoonfatanii kunis humna fincaan too'achuuf fayyadu akka oomishaniif ni gargaara. Akka sochii qaamatti tajaajiluu ni danda'a.  Sa'aatii walakkaatti nyaata kaalorii heedduu bulleessuu danda'a. 

☑️ Dhukkubbii yeroo laguu ni ittisa/hir'isa. Dubartiin walqunnamtii saalaa yeroo hunda taasistu warra hin taasisne caala dhukkubbii yeroo laguu dandamatu. Walqunnamtii saalaa yeroo laguu raawwachuunis dhukkubbii nutti dhaga'amu ni xiqqeeessa. Laguunis dafee akka nurraa dhaabbatu ni godha.

☑️ Dhukkubbii ni xiqqeessa. Walqunnamtiin saalaa akka ajjeeftuu dhukkubaa gargaaruu waan danda'uuf yeroo raawwaannu miira fiixee xummuraa (orgasm) irra ga'uun akka of wallaallee dhukkubbii nutti dhaga'amu san dagannu nu godha.

☑️ Dhiibbaa garaagaraa irraa nama baraara. Walqunnamtiin saalaa keemikaala oxytocin madduuf, keemikaalli kun immoo cinqii fi muukii garaagaraa ittisuuf ni fayyada. Dabalees waa dafanii irraanfachuu irraa nama baraara.  

☑️ Hirriibaf ni fayyada. Yeroo walqunnamtii saalaa keemikaalli melatonin jedhamu waan maddisiifamuuf, keemikaalli kunimmoo hirriiba sirnaan rafuufii miira gaarii keessa akka dabarsinuuf nu fayyaduu danda'a.

☑️ Umurii namaa dheeressa. Yeroo walqunnamtii saalaa keemikaalli ispermidine waan madduuf, keemikaalli kun immoo  umuriin namaa akka suuta tiratu godha. Namoonni yeroo ammaa kana umuriin fagaatan dur walqunnamtii saalatti jaboo turan.

☑️  Bifa gaarii qabaachudhaaf walqunnamtiin saalaa ni tajaajila. Dubartoonni yeroo hunda walqunnamtii saalaa raawwatan warra hin raawwanne caala bifa nama hawwatu qabu. Dhaabbii bareeda akka qabaatan godha. Dubartiin walqunnamtii saalaa hin goone qaamni ishii dadhabaa deema, akka jaartitti boca fokkisaa horachaa deemti. Dubartiin walqunnamtii saalaa baay'istu boca dubartii durbummaa qabdu fakkaatu qabaatti.

Ati maal akka tatee beeknan inni kan maal jedha hin aariin

Guyyaa tokko Simbirroon tokkoo fi kanniisni haasaa godhu ture.

Simbirroon sun gaaffii akkas jedhu kanniisa sana gaafate. "Erga itti dadhabdee, baay'ee dhamaatee, damma dammeesitee booda namni damma kee si jala hatee nyaata. Kun miira keessa si galchee sin aarsu?" jettee gaafatte.

Kannisni sunis akkas jechuun deebisteef "Waan tokkoyyuu nan aarsu. Sababiin isaa, namni damma koo hatuu danda'a malee ogummaan ittiin damma dammeessu hatuu hin danda'u" jettee deebisteef.

Kanaaf;

➥ Namni waan si keessa jiru, ogummaa Waaqni si keessa kaa'e argee itti fayyadamuu danda'u si qofa dha. Namni biraan gahuumsa dhokataa keessa kee jiru baasee fayyadamuu danda'u hin jiru.

➥ Namni waan ati of keessaa baastee hojjette, itti fayyadamuu danda'a malee, waan ati of keessatti ukkaamsitee irra teesse irraa fayyadamuu hin danda'u.

➥ Kanaafuu, ogummaa keessa kee jiru, gahuumsa dhokataa keessa kee jiru, isa eenyumtuu si jalaa hatuu hin dandeenye kanaan hojjedhu ofiif, dhalootaf bu'aa ta'i!

Humna yaada the power of thought

Ka'uumsi waan kamiituu yaada. Milkaa'inni lafa kana hundi isaa jalqaba irratti yaada ture,booda adeemsa keessa qaaman gadi bu'e. Wanti har'a ijaan arginu hundi yeroo wayiitti,sammuu nama ta'ee keessatti YAADA ture. Konkolaatan yaada ture,xiyaarri sammuu obbolaa lamaanii(W-Right fi O.Right) keessatti yaada ture,reediyoon,tv'n , bilbilli ati harkaa qabdu YAADA ture.(Sammuu koo keessas YAADA boru dhalachuuf ta'utu jira.)  Fkn,Injinarri tokko yemmuu gamoo ijaaru,jalqaba sammuu isaa keessatti YAADA,itti aansuun suuraa YAADA isaa waraqaa irra kaa'a,dhumarratti wanta yaada ture sana lafarratti mul'isa.   

Milkaa'ina kee sammuu keessatti ulfoofta. Yeroo sammuun kee ulfa mul'ataa ulfaa'utti akkuma qotee bulaa biqiltuu isaa kunuunfatu kunuunsuu qabda,aramaa adda addaa irraa tiksuu qabda,ilbiisota ulfa kee sirraa baasuuf si adamsan irraa tiksuu qabda. Yoo jabaattee hin kunuunsine garuu bakka hin eeggamnetti abjuu fi mul'ata kee gattee galta. Kanaafuu jabaattee hojjachuu keetiin dura jabaadhuu yaadi.Ka'uumsi waamaraa YAADA.  Yaanni humna qaba. Tarii Waaqnuu lafaaf samii uumuu isaatiin dura Yaadaa turinnaa?

Akka fetee na gottee, Barbaadus na dhistee, kan bira filaate, anattin tufattee

 

Ani bar....

Akkuma dacheettin Nuffii malee si baadha Hin fakkeessu hin akkeessu Dhuguma dhugaan si jaaladha Darbannaa eeboo jecha kee Obsee damdamadhee Imimmaan keessa koos Haqxuudhaan haqadhee Taa'i jettu taa'een Faallessinaan ka'a Siif jedhee meeladheen Okkolee naafa ta'a Atimmoo..... Bishaantu qallateef Loltee na doorsista Akkuma abbaa irreetti Hiitee nat-roorrista Yoo feete na dhibamsiistee Feetummoo na fayyista Hawwitu na ajjeestee Feetu du'aa na kaasta Feetu na boochistee Na mankaraarsita Feetu qirqirsitee Na kokkofalchiista Fuula keerra hin jiru Miirrif yaadni jaalalaa Nan ilaala hin mul'atu Onneen kee halaalaa Egaa....... Ammas siifan hima Isuma akka kalee Homtuu nan gammachiisu Yoo si taate malee Ol baasii gad-buusii Dhaamsa koo hubadhu Fageenya dhiisitii As natti dhiyaadhu Callistee nan cinqin Haalaan nan dubbadhu Dhokattee hin taa'iin Ol ka'ii natti mul'adhu!

Jaarsan itti ergadha

Sirraa fagoo taa'ee

Amman si dharrahuu

Guyyaaf halkan  deemee 

Ganda  keessan  gahuu ?

Otoon jaarsa  ergee hoo  

Abbaan kee ni didaa 

Moo si naaf  kennee 

Walitti nu fida  

Dhuka lafee kootii  

Intala baadiyyaa 

Safuu sabaa guuteen 

Si godhadhee kiyya

Walaloo Gadaa

 

Mana wacaan hin jigne 

Kan utubaan sibiilaa 

Alagaan diiguuf abjootti 

Fagoo teessee alaala 

Karaa keetti  deebinaan 

Gatii dhabnaaf gororihu 

Bofaa gaafa  ajjeesan 

Dura mataa dhahu 

Qoraattii muka keessaa

Maaf nan ciraa of rakkista

Iddasaa takkaa  dhoofnaan 

Dhaabitti goggoksita 

Warreen  Oromoo bituuf 

Caraananii iyyani 

Qoraattii muka keessaa 

Itti ta'e Gadaani

Bututtii sammuu (burnout) maaltu fidaa?

¶ Hojii ofii irraa bu'aa gar-malee guddaa eeguu ykn karoora ifa ta'e dhabuu.

¶ Jireenya ykn hojii ofii irratti to'annaa dhabuu fi Jireenya ofiitiif madaala dhabuu..... hojii, bashanna, hariiroo maatii fi namootaa fi kkf walmadaalsisuu dhabuu.

¶ Haala hojii namaaf hin mijanne, burjaajii ta'e keessaa hojjechuu.

¶ Deggarsa maatii, hiriyaa fi kkf dhabuu.

¶ Hojii walfakkaataa, kan jijjiirama/dorgommii hin qabne hojjechuu.

¶ Nama mara gammachiisuuf yaaluu.

¶ Hojiin namatti baayyachuu, Yeroo ofii seeraan fayyadamuu dhabuu.

¶ Waan hin dandeenye, garmalee nama muddutti waadaa galuu

Wantaa Badaa Har'aa Hin tumsiin!

Bara durii mootummaa bineensotaa keessatti, leenca holqa tokko keessaa bahuu dadhabeefi hoolaa holqicha fuuldura deemtu tokkotu wal argee ture. Leenci kun, hoolittiin qabdee keessaa akka isa baaftuuf kadhate. Isheenis, sodaachuu irraan kan kaate ni diddeen. Boodarra, achi keessaa bahe akka ishee hin nyaannee leencichi waadaa galeefii. Hoolaan kunis daftee amanuushee irraan kan ka'e, qabdee holqicha keessaa isa baafte.

Guyyoota hedduu nyaatarraa fagaatee waan tureef, leecichi baay'ee beela'ee jira. Kanarraan kan ka'ee, hoolittiitti ija babaasee afaan isaa arraabuu eegale. Nyaachuu fedhuusaati. Waadaa waliif galanii turan hoolaan kun yaadachiiftus, dhagahuu hindandeenye. 

Bineensonni biroon karaa sanarra darban, mormii isaanii kana dhageeffachuuf itti siqanii ilaaluu eegalani. Hoolaafi leenci dabaree isaanii eeganii waan ta'e hundumaa bineensota kanaaf seenessuutti fufani. Sodaachuu irraan kan ka'an, bineensonni hundi qocaa irraa kan hafe, gara leencaa goruun dubbachuutti ka'ani. 

Qocaan gara lamaaniyyuu osoo hingoriin, haala jiru hunda sirnaan hubachuu feete.

Osoo hoolittiin isa hin baraariin dura, leencichi eessaa akka ture qocaan gaafatte. Leencichis gara holqa sanaattii akeeke. Qocaan leenca kanaan, "Holqa kana keessaa bahuuf akkam akka ulfaatu ilaaluu waan qabnuuf mee takkaa seeni!" jetteenii. Innis utaalee keessa bu'e. Sanaan booda, cufaa holqa kanaa qocaan leencichatti cufte.

Bineensonni hedduun itti marsanii ilaalan, haala nama ajaa'ibuun, maaliif qocaan kana akka goote gaafachuutti ka'ani. Qocaanis, " Yoo har'a hoolaan kun akka nyaatamtuuf itti dhiifne, boru nu keessaa dabareen nyaatamuu kan eenyuu akka ta'e hinbeeknu."

Seexaa: Badaa har'aa hintumsiin; har'a kallattiidhaan si miidhuu baatus, bor dabareen kankee ta'a. Ejjennoo irratti fudhadhu!

Dur durii bineensotaa irraan qindeesse.

Fayyaa ONNEE keenyaa eeguuf maal gochuu qabna?

1.DHIIBBAA DHIIGAA(BP): 

Yoo dhiibbaan dhiigaa nama tokkoo normal ta'eefi waggaa 40 gadi ta'e; akkasumas, maatiisaa keessaa namni dhiibbaa dhiigaa olaanaa qabu yoo hin jiraanne, waggaa 2tti yoo xiqqaate altokko dhiibbaa dhiigaasaa ilaalamuu qaba.

Garuu, yoo waggaa 40 ol ta'eefi ofiis ta'e maatiisaa keessaa namni dhiibbaa dhiigaa olaanaa qabu yoo jiraate, gorsa ogeessa fayyaa argachuun barbaachisaadha.

2.QORANNOO DHIIGAA(BLOOD TESTS):

Hamma cholestrol qaama keenya keessa jiru beekuuf nu gargaara. Yoo kan olka'e ta'e, dhukkuboota kan akka onneef carraan saaxilamuu bal'aadha.

3.ELECTROCARDIOGRAM(ECG):

ECG'n qorannaa medikaalaa kan rakkoo (abnormality) onnee keenyaa; sochii elektrikii yeroo onneen keenya kottonfatu maddisiisu safaruun kan nutti argisiisudha.

4.ULFAATINA QAAMAA(OBESITY TESTS):

Ulfaatinni qaamaa baay'ee olka'aa ta'e, dhukkuboota onneef akkasumas, dhukkuba sukkaaraaf carraa saaxilamuu ni bal'isu. 

Kanaaf, namni carraa saaxilamuusaa olka'aa ta'e tokko, yeroo hedduu ulfaatina qaamasaa ilaamuutu irra jiraata.